Makati

Larĝa panoramo de Makati

Makati
Administrado
Lando	Filipinoj
Poŝtkodo	1200 - 1299
Telefona antaŭkodo	2
Demografio
Loĝantaro	510.383 2007
Geografio
Koordinatoj	14°33′25″N 121°01′46″O
Alto	15 m
Areo	27 km²
Horzono	UTC+8

Avenuo en Makati

Makati estas metropolo kaj universitata urbo en Filipinoj, en insulo Luzono, apartenanta al Manila Metropolo. La urbo estas financa centro de Filipinoj. Dum la hispana erao la loknomo estis la pli longa San Pedro de Macati, kie "cati" signifas: tajdo.

Geografio

Makati situas sur ebenaĵo, en norda parto de la lando en centro de Manila Metropolo inter Manilo kaj Taguig.

Historio

La hispanoj fondis Makati-n en 1578 en marĉa tero. Baldaŭe 2 imponaj preĝejoj konstruiĝis. En 1900 Usono akiris la urbeton, poste la japanoj okupis ĝin en 1942. En 1901 municipo formiĝis. En la 1950-aj jaroj la setlejo laŭplane etendiĝis. En 1995 Makati oficiale aliĝis al Manila Metropolo. En la 1980-aj jaroj Makati estis unu el la luliloj de ribelo kontraŭ la diktaturo de prezidanto Ferdinand Marcos.

Klimato

En Makati jare pluvas po ĉirkaŭ 2083 mm. En ĉiuj monatoj pluvas, sed precipe inter junio-decembro. La temperaturo estas sufiĉe konstanta, kiu varias inter 21-32 °C.

Trafiko

Makati havas bonajn aŭtovojajn kontaktojn kun la najbareco. En la urbo aŭtobusoj kaj trajnoj liveras la pasaĝerojn.

Famuloj

• Corazón Aquino mortis en 2009

Vidindaĵoj

• romkatolikaj preĝejoj ekzemple omaĝe al Sankta Koro
• sinagogo
• ĉevalokurejo

Ĝemelurboj

• Cluj-Napoca, Rumanio
• Vladivostok, Rusio
• Los Angeles, Usono
• Ramapo, Usono
• 14 urboj en Filipinoj