Malgranda egretardeo
 |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Biologia klasado | ||||||||||||||
|
||||||||||||||
| Konserva statuso | ||||||||||||||
|
|
||||||||||||||
| Egretta garzetta Linnaeus, 1766 |
||||||||||||||
La malgranda egretardeo (Egretta garzetta) estas birdo el la ardeedoj kun grando de ĉ. 56 cm. Ĝi estas iom pli granda ol la ralardeo, sed pli svelta. Plumaro estas lume blanka. De la nuko etendiĝas malantaŭen 2-3 longaj ornamplumoj. La ŝiritaj ornamplumoj sur la dorso troetendas la korpon, la fino kliniĝas supren. Ĝia svelta beko estas nigra, la bekobazo blueta.
La okuloj estas helflavaj, la kruroj nigraj, la fingroj vigla-flavaj. Oni povas bone vidi tiujn flavajn fingrojn eĉ dum ties flugado, el proksimo. Ankaŭ la malgranda ardeo – kiel aliaj ardeedoj – flugas kun entirita kolo kaj etendita kruro. La flugo estas facila, la flugbatoj estas pli oftaj ol tiu de la granda egretardeo. El malproksimo, ĝi similas al ralardeo, kiam oni ne vidas flavjn kolorojn de ralardeo. Sed la ralardeo flugas per pli oftaj batoj kaj estas pli malsvelta dum flugado.
La malgranda egretardeo serĉas la nutraĵon en malprofunda akvo, dum la fiŝkaptado pli multe moviĝas ol la granda egretardeo. Ĝi ofte kuradas tien-reen per kelkfoje suprenĵetante la flugilojn, tiam ĝi bek-sersĉas en al akvo dekstre-maldekstre.
Ĝia voĉo estas malofte aŭdebla akra, longsona krio „khre:".
La malgranda egretardo vivas en marĉoj, apudriveraj arbaroj, marĉetaj herbejoj. Ĝi nestas kolonie kun aliaj ardeoj. Ĝi konstruas la neston sur altan arbon aŭ malatan arbuston en marĉa areo.
[redakti] Notoj kaj referencoj
 |
Rilataj artikoloj troviĝas en Portalo pri Birdoj |
- ↑ BirdLife International (2004). Egretta garzetta. 2006 Ruĝa listo de minacataj specioj de IUCN. IUCN 2006. Elŝutita je 12 May 2006. Datumbazero priskribas kial ĉi specio estas plej malzorgiga
