Malheldorsa buteo

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Malheldorsa buteo
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Akcipitroformaj Accipitriformes
Familio: Akcipitredoj Accipitridae
Genro: Leucopternis
Specio: L. polionotus
Leucopternis polionotus
(Kaup, 1847)
Konserva statuso
Status iucn3.1 NT eo.svg
Konserva statuso: Preskaŭ minacata
Aliaj Vikimediaj projektoj
v  d  r
Information icon.svg

La Malheldorsa buteo (Leucopternis polionotus) estas specio de rabobirdo de la familio de Akcipitredoj kaj genro de Leucopternis kiuj estas ĝenerale blankaj aŭ blankecaj buteagloj foje kun grizaj partoj.

Distribuado[redakti | redakti fonton]

Ĝi troviĝas en marborda orienta Brazilo, nordoriento de Argentino, Paragvajo, kaj Urugvajo. Ties natura habitato estas subtropikaj aŭ tropikaj humidaj arbaroj de malaltaj teroj. Ĝi iĝis rara pro habitatoperdo. La Malheldorsa buteo loĝas en kaj unuarangaj kaj duarangaj arbaroj, sed estas kelkaj vidaĵoj de indivíduoj en arbaroj ege ŝanĝitaj kaj plantejoj. Ili kutimas ŝvebi malalte super la arbaroj.

Karakteroj[redakti | redakti fonton]

La Malheldorsa buteo estas 48 al 53 cm longa, kun dorso kaj flugiloj cindrece malhelgrizaj, preskaŭ nigraj, kaj nur kelkaj flugilkovriloj kun blankaj bordoj. El tiuj malhelgrizaj supraj partoj devenas la komuna nomo kaj ankaŭ la latina scienca nomo polionotuspolionota, kio rekte tradukeblus al “grizdorsa”, sed tiu elekto enkondukus al konfuzo kun la Grizdorsa buteo. La kapo, nuko kaj subaj partoj estas purblankaj, kaj la mallonga vosto estas nigra el bazo al mezo, blanka en la resto.

Nematuruloj estas striecaj en kapo kaj kolo.

Temas pri specio de stara sinteno.

La voĉo estas serio de fajnaj fajfoj “bibibi…bibibi…”.

Manĝo[redakti | redakti fonton]

Pri ties dieto Martuscelli (1996) parolas ĉefe pri predataj birdoj nome Blankakola turdo (Turdus albicollis), Ruĝvosta papago (Amazona brasiliensis) kaj Sciurkukolo (Piaya cayana). Ili kaptas ankaŭ reptiliojn kaj malgrandajn mamulojn (roduloj).

Reproduktado[redakti | redakti fonton]

La Malheldorsa buteo konstruas neston el sekaj bastoneteroj en arboj.

Referencoj[redakti | redakti fonton]