Manmohan Singh

El Vikipedio, la libera enciklopedio
Saltu al: navigado, serĉo
Manmohan Singh
منموہن سنگھ
ਮਨਮੋਹਨ ਿਸੰਘ
मनमोहन सिंह
Manmohan Singh

14-a Ĉefministro de Barato
Oficanta
Funkcio akceptita:
22-a de majo 2009
Antaŭulo Manmohan Singh

Ĉefministro
En funkcio:
22-a de majo 2004 – 22-a de majo 2009
Antaŭulo Atal Behari Vajpayee

Naskiĝo 26-a de septembro 1932
en Brita Barato
Politika partio Barata Nacia Kongreso
Edzo/ino Gursharan KAUR
Infanoj Amrit KAUR (nask. 1969)
Upinder KAUR
Daman KAUR
Alma mater Universitato de Panĝabo
Universitato de Cambridge
Okupo politikisto
Religio siĥo
v  d  r
Information icon.svg

Manmohan SINGH (urdue: منموہن سنگھ, panĝabe: ਮਨਮੋਹਨ ਿਸੰਘ, hinde: मनमोहन सिंह) (naskotago: 26-a de septembro, 1932) estas la kuranta kaj dekkvara ĉefministro de Barato. Naskiĝinte en vilaĝo en la tiama provinco de Panĝabo en la Brita Barato, li kompletigis sian bazan edukon ĉe la Universitato de Panĝabo en 1948. Poste li iris al Unuiĝintan Reĝlandon por studi ekonomikon ĉe la Universitato de Cambridge. Li publikigis sian unuan libron India’s Export Trends and Prospects for Self-Sustained Growth en 1964, kiu estas kritika de la tiamaj, barataj, negocaj polisoj.[1]

Politika kariero[redakti | redakti fonton]

En la 70-aj jaroj li laboris por la ŝtato, kiel financa konsilisto. Komence de la 80-aj jaroj li iĝis estro de la centra banko. Poste li laboris kiel konsilisto de la ĉefministro, poste (1991-1996) ministro pri financoj ĉe la registaro de Narasimha Rao.

Lia rolo kiel financa ministro donis al li grandan prestiĝon. Li klopodis ekvilibrigi politikon favoran al malsupraj tavoloj kun liberaligo de la ekonomio kaj privatigo de ŝtataj entreprenoj.

Post la malvenko en la sekvaj balotoj, li restis fidela al la grupo de la familio Gandhi, en la krizo sekvanta la elekton de Sonia Gandhi kiel gvidanto de la partio Barata Nacia Kongreso (ŝi estis kontraŭita de parto de la partio pro sia itala deveno). Li agadis dum tiuj jaroj kiel gvidanto de opozicio en la Rajya Sabha (Senato).

Kiam la Kongreso venkis en la baloto de majo de 2004, Sonia Gandhi refuzis sian nomumon kiel ĉefministron, kaj sugestis la nomon de Dro. Singh. Li estis elektita la 19-an de majo de 2004 fare de la prezidento A.P.J. Abdul Kalam.

Lia eco kiel ano de religia minoritato (kaj ankaŭ de lingva, ĉar lia denaska lingvo estas la panĝaba) helpis mildigi la tensiojn inter la diversaj grupoj de tiom varia lando. Lia nkaŭ strebis mildigi la streĉojn kun la najbara lando, Pakistano.

Referencoj[redakti | redakti fonton]

  1. Meet Your PM angle. Alirita 2012-04-30.

Eksteraj ligiloj[redakti | redakti fonton]