Mario Götze

El Vikipedio, la libera enciklopedio
Saltu al: navigado, serĉo
Mario Götze en junio 2011

Mario Götze estas germana futbalisto. Li naskiĝis la 3-an de junio 1992(nun 1992-06-03) en Memmingen, do nun estas 22-jara. Laŭ stato de la jaro 2012 li profesie ludas futbalon en la unua vira teamo de la klubo Borussia Dortmund - antaŭe li jam aktivis en junulaj teamoj de la sama klubo. Krome Mario Götze ekde la jaro 2010 estas membro de la germana nacia teamo de futbalo. Kadre de ĝi li kunkonkuras pri la Eŭropa Futbal-Ĉampionado 2012. Antaŭe li laŭ sia tiutempa aĝo jam membris en la naciaj teamoj de sub-15-, sub-16-, sub-17- kaj sub-21-jaruloj. Matĉe li en la ĉampionado de 2012 rekoneblis per la ĉemiza numero "19". Ankaŭ en la Eŭropa Futbal-Ĉampionado 2012 kaj la Futbala Mondpokalo 2014, en kiu la germana teamo atingis la ĉampionecon per golo farita fare de li en la finala matĉo, li partoprenis per tiu ĉemiza numero.