Marsha M. Linehan

El Vikipedio, la libera enciklopedio
Saltu al: navigado, serĉo

Marsha M. Linehan (naskiĝis la 5-an de majo 1943 en Tulsa, Oklahomo, Usono) estas profesorino pri psikologio en la universitato de Seatlo en la usona ŝtato Vaŝingtonio. Inter alie ŝi gvidas klinikan terapian centron por patientoj suferantaj je emocie malstabila personeca perturbo.

En siaj kondutisme bazitaj esploroj ŝi koncentriĝas pri la temo de "psikoterapio de suicidemaj emocie malstabilaj pacientinoj, kaj evoluigis la Dialektike behaviorisman terapion - stude kontrolitan terapian koncepton, en kiu aparte gravas la emocia rilato inter terapiisto kaj terapiato en individuaj kunsidoj kaj la grupa trejnado de psikosociaj kapabloj de la terapiatoj. Specifa adapto por junuloj nomatas "dialektike behaviorisma terapio por adoleskuloj" (DBT-A).

"Malvalidigo"[redakti | redakti fonton]

"Malvalidigo" estas termino, kiun Marsha Linehan ekuzis en psikosocia senco kaj enkondukis en la psikologian lingvaĵon: Laŭ ŝia vortuzo la termino priskribas procedojn kaj situaciojn, en kiuj homoj devas vivi en psike malfavora etoso de manka empatio ĝis la travivo de psika misuzo kaj psikaj traŭmatoj. Tiel la koncernatoj povas evoluigi misfunkciajn psikajn strategiojn kaj sekve havi signifajn problemojn trakti siajn proprajn emociojn kaj kontroli la interpersonajn rilatojn. Se tiu malfavora etoso jam regas en infana kaj adoleska aĝo, la koncernatoj eĉ eble neniam lernis taŭgan trakton de siaj emocioj, kaj tiukaze estas aparte malavanĝigitaj.

Retej ligiloj[redakti | redakti fonton]