Martin Schäffer
| Martin Schäffer | |
|---|---|
| |
| Persona informo | |
| Naskiĝo | 7-a de junio 1962 en Neukirchen-Vluyn |
| Lingvoj | Esperanto • germana • hispana |
| Loĝloko | Meksiko |
| Nacieco | germano |
| Ŝtataneco | Germanio |
| Okupo | |
| Okupo | esperantisto |
| Esperanto | |
| Aliaj aktivaĵoj | Ĝenerala Sekretario de UEA (2013–2017) Ĝenerala Direktoro de UEA (2018–) |
| Esperantistiĝis en | 1982 |
Martin Schäffer (naskiĝis la 7-an de junio 1962 en Neukirchen-Vluyn) estas germano kaj multjara aktivulo de la Esperanto-movado. De 2013, li estas Ĝenerala Sekretario de UEA. En 2017 oni anoncis ke li transprenos la direktorecon de la Centra Oficejo de UEA.
Aktivado[redakti | redakti fonton]
GEJ[redakti | redakti fonton]
Li lernis Esperanton en februaro 1982 kaj aktivis en la Germana Esperanto-Junularo (GEJ) post la Internacia Seminario en Oberwesel (1982/83) aparte en la komisiono KAPRI (Komisiono pri Amaskomunikiloj kaj Publikaj Rilatoj). Ĝis 1992 li diversrilate subtenis la estraron de GEJ.
En la jaroj 1984 ĝis 1991 li organizis multajn kursojn en la grandaj urboj de la Ruhr-regiono (Dortmund, Essen, Mülheim, Moers, Oberhausen, Gelsenkirchen, Duisburg) kaj sukcese povis varbi por Esperanto pro aperigo de diversaj gazetartikoloj. Inter 1985 – 1991 li estis la prezidanto de Nordrejn-Vestfalia Esperanto-Junularo kaj estro de la Esperanto-oficejo Nordrejn-Vestfalio. Inter 1987 kaj 1990 li estis respondeca rilate al la presado kaj dissendado de la GEJ-gazeto (poste "KUNE"), la gazeto de GEJ.
GEA[redakti | redakti fonton]
En 1991 li translokiĝis al Stuttgart kaj estis la prezidanto de la loka klubo inter 1993 kaj 2006. Ekde 1993 li estis konsilanto de la estraro de Germana Esperanto-Asocio (GEA) kaj sekretario de la estraro. Ekde 2006 li estas la oficiala ĝenerala sekretario de GEA.
UEA[redakti | redakti fonton]
.jpg)
Ekde julio 2007 li estas en la Komitato de UEA kiel reprezentanto de Germanio. La 20-an de julio 2013 Martin Schäffer dum la komitatkunsido de la 98-a UK en Rejkjaviko estis elektita kiel Ĝenerala Sekretario en la Estraro de UEA 2013-2016.
La 31-an de oktobro 2017 li estis elektita kiel nova Ĝenerala Direktoro de UEA.[1]
Fondaĵoj[redakti | redakti fonton]
En oktobro 2000 li fariĝis estrarano de la FAME-fondaĵo. En 2001 li lasis konsiderindan monsumon al la Esperanto-movado kaj fondis la Fondaĵon “Mondo”, kies prezidanto li daŭre estas.
Dum lia agado por Esperanto la ĉefaj okupoj estas sur la administra, financa kaj informada kampoj. Li organizis multajn standojn ĉe diversaj foiroj, aperigis multajn gazetartikolojn pri Esperanto, estis unu de la ĉefaj organizantoj de la Eŭropa Esperanto-Kongreso en 1997, en Stuttgart kaj helpanto ĉe la UK en Berlino (1999).
Vidu ankaŭ[redakti | redakti fonton]
Eksteraj ligiloj[redakti | redakti fonton]
- Globeto Intervjuas: Martin Schäffer, pri la stato de la Esperanto-movado (registrita novembre 2013, publikigita februare 2015)
- Retejo de Stiftung Mondo, Esperanto-Bürgerstiftung
Referencoj[redakti | redakti fonton]
- ↑ UEA ŝanĝas sian Ĝeneralan Direktoron, celas financan resanigon. UEA (2017-11-01). Alirita 2017-11-01. “En kunsido la 31-an de oktobro, la Estraro de UEA decidis pri grava ŝanĝo en la administrado de UEA, kun la konsento kaj subteno de la Ĝenerala Direktoro. D-ino Veronika Poór, kiu laboras en la Centra Oficejo ekde la komenco de 2016, kaj kiel Ĝenerala Direktoro ekde majo 2016, transdonos sian postenon la 1-an de januaro 2018 al s-ro Martin Schäffer, la nuna Ĝenerala Sekretario.”.
| Antaŭe: | Ĝenerala Direktoro de Universala Esperanto-Asocio | Poste: |
|---|---|---|
| Veronika Poór | 2018– |