Porŝipira veterprognozo

El Vikipedio, la libera enciklopedio
Saltu al: navigado, serĉo

La Shipping Forecast en angla origine kaj "porŝipira veterprognozo" en Esperanto estas la marveterraporto, kiun BBC Radio 4 disaŭdigas po kvar fojoj ĉiutage por la marpartoj ĉirkaŭ Britujo (de Islando ĝis Hispanujo). Ĝi estas farata de la brita meteorologia ofico ("UK Met Office"; parto de la brita defendministerio) kaj disaŭdigata nome de la brita mara kaj marborda agentejo ("Maritime and Coastguard Agency", parto de la brita transportdepartemento).

Laŭ horoj[redakti | redakti fonton]

La elsendohoroj estas jenaj (laŭ la Mez-Eŭropa Tempo kun konsidero de eventuala somera tempo): 01:48; 06:20; 13:01 kaj 18:54. Ili estas kune kun frekvencoj kaj aliaj informoj listigitaj kaj per griza linifono emfazitaj en la suba tabelo[1]. Komparcele la tabelo montras ankaŭ aliajn regulajn perradiajn disaŭdigojn de marveterraportoj fare de kelkaj aliaj Eŭropaj radio-sendostacioj[2]. La en la Shipping Forecast kaj similaj elsendoj donitaj informoj pri la geografia situo de alt- kaj malaltpremaj aer-amasoj ebligas onin fari al si aerpremmapon[3].


Horo[4] Sendostacio Frekvencoj[5] Lingvo Rimarko
00:55 RTÉ Radio 1 252 Angla Pri marpartoj ĉirkaŭ Irlando
01:05 DLF 1269 Germana Pri Norda Maro kaj Balta Maro; kun tre ampleksa raporto pri la situo de alt- kaj malaltpremaj aer-amasoj kaj frontoj
01:48 BBC Radio 4 198 603 720 756 774 1449 1485 Angla Shipping Forecast: pri marpartoj ĉirkaŭ Britujo (de Islando ĝis Hispanujo)
05:45 Danmarks Radio 243 Dana Pri marpartoj ĉirkaŭ Danujo
05:45 NRK 153 Norvega Pri marpartoj ĉirkaŭ Norvegujo; nur lunde ĝis sabate
06:20 BBC Radio 4 198 603 720 756 774 1449 1485 Angla Shipping Forecast: pri marpartoj ĉirkaŭ Britujo (de Islando ĝis Hispanujo)
06:40 DLF 1269 Germana Pri Norda Maro kaj Balta Maro; kun tre ampleksa raporto pri la situo de alt- kaj malaltpremaj aer-amasoj kaj frontoj
06:45 France Info 603 711 792 837 945 1206
1242 1377 1404 1494 1557
Franca Pri marpartoj ĉirkaŭ Francujo inkluzive de Norda Maro
07:02 RTÉ Radio 1 252 Angla Pri marpartoj ĉirkaŭ Irlando
08:03 NRK 153 Norvega Pri marpartoj ĉirkaŭ Norvegujo; nur dimanĉe
08:45 Danmarks Radio 243 Dana Pri marpartoj ĉirkaŭ Danujo
09:03 NRK 153 Norvega Pri marpartoj ĉirkaŭ Norvegujo; nur dimanĉe
11:05 DLF 1269 Germana Pri Norda Maro kaj Balta Maro; kun tre ampleksa raporto pri la situo de alt- kaj malaltpremaj aer-amasoj kaj frontoj
11:45 Danmarks Radio 243 Dana Pri marpartoj ĉirkaŭ Danujo
13:01 BBC Radio 4 198 603 720 756 774 1449 1485 Angla Shipping Forecast: pri marpartoj ĉirkaŭ Britujo (de Islando ĝis Hispanujo)
13:53 RTÉ Radio 1 252 Angla Pri marpartoj ĉirkaŭ Irlando
17:45 Danmarks Radio 243 Dana Pri marpartoj ĉirkaŭ Danujo
17:55 RTÉ Radio 1 252 Angla Pri marpartoj ĉirkaŭ Irlando
18:54 BBC Radio 4 198 603 720 756 774 1449 1485 Angla Shipping Forecast: pri marpartoj ĉirkaŭ Britujo (de Islando ĝis Hispanujo)
20:04 France Inter 162 Franca Pri marpartoj ĉirkaŭ Francujo inkluzive de Norda Maro
21:05[6] DLF 1269 Germana Pri Norda Maro, Balta Maro, Ligura Maro kaj Adriatiko; kun tre ampleksa raporto pri la situo de alt- kaj malaltpremaj aer-amasoj kaj frontoj

Regionoj[redakti | redakti fonton]

Ĉe Unuiĝinta Reĝlando[redakti | redakti fonton]

Ĉe aliaj landoj[redakti | redakti fonton]

Notoj kaj referencoj[redakti | redakti fonton]

  1. La tabelo baziĝas sur indikoj donitaj en Bundesamt für Seeschifffahrt und Hydrographie: Jachtfunkdienst 2009 – Nord-, Ostsee und Englischer Kanal, Hamburg kaj Rostock, Bundesamt für Seeschifffahrt und Hydrographie, 2009, kaj krome sur radio-elsendoj aŭditaj de la redaktinto.
  2. Estas listigitaj nur disaŭdigoj en ordinara amplitudmodulado en long- kaj mezondo. Pliaj, ne en la tabelo listigitaj perradiaj disaŭdigoj estas ekzemple en unu-flankbenda amplitudmodulado, frekvencmodulado (kiel tiuj de DP07 Seefunk dum la akvosporta sezono) kaj DAB+ (kiel ekzemple fare de NDR Info Spezial je 00:05, 08:30 kaj 22:05 horo). La marveterraportoj de la listigitaj radio-sendostacioj estas ĉefe pri marpartoj apud Eŭropo.
  3. Io tia estas ilustrita en Riley, Denis, kaj Spolton, Lewis: Vetero kaj klimato de la mondo, p. 5ff, Roterdamo, Universala Esperanto-Asocio, 1987 (el la angla esperantigita de Long, Kris).
  4. laŭ Mez-Eŭropa Tempo kun konsidero de eventuala somera tempo
  5. en kilohercoj
  6. Tiu ĉi disaŭdigo okazas sole somere.