Maya Sar
| Maja Sarihodžić | |
|---|---|
| Naskonomo | Maja Hodžić |
| Alie nomata | Maya Sar |
| Naskiĝo | 12-an de julio 1981 (42-jaraĝa) en Tuzla |
| Ĝenroj | pop-muziko |
| Aktivaj jaroj | 2008 ĝis nun |
| Retejo | www |
Maja Sarihodžić (bosnia prononco [mǎːja sǎrixodʒitɕ], naskonomo Hodžić, naskiĝis la 12-an de julio 1981 en Tuzla, Bosnio kaj Hercegovino, tiutempe SFR Jugoslavio, do nun 42-jara), pli bone konata per sia sceneja nomo Maya Sar, estas Bosnia kantistino.
La artistino reprezentis Bosnion kaj Hercegovinon en la Eŭrovido-Kantokonkurso 2012 en Bakuo, kaj pasis al la finalo, kie la bone farita bosnia kontribuaĵo tamen ne atingis elstaran pozicion.
Ŝi estas fondantino de regiona humanisma projekto en medicina lukto kontraŭ uterokola kancero, kaj komponisto de projektosubtena kanzono prezentata fare de gvidaj kantistoj de la regiono - Nina Badrić, Karolina Goceva, Aleksandra Radović kaj Maya Sar mem. Rekompense al tio, ŝi ricevis oran medalon de la Internacia Ligo de Humanistoj (D-rino Elisabeth Rehn).