Mediteraneo

Mediteraneo
	interna maro • mediteraneeca maro • maro • akvokolekta areo
	Satelita foto de Mediteraneo.
	Profundeco
Maksimuma	5,267 m
Areo	2.966.000 km²
Supra tutaĵo	Atlantiko
Najbaraj tutaĵoj	Nigra maro
Kontinento	Eŭropo ; Afriko ; Azio
Landoj	Francio ; Italio ; Turkio ; Grekio ; Slovenio ; Albanio ; Monako ; Kroatio ; Montenegro ; Sirio ; Libano ; Israelo ; Egiptio ; Libio ; Tunizio ; Alĝerio ; Malto ; Maroko ; Hispanio ; Kipro
Alfluantoj	Pado ; Rhone ; Ebro ; Nilo
	v • d • r

Reviziita versio de ĉi tiu paĝo, aprobita je 30 aŭg. 2014, estis bazita sur ĉi tiu versio.

Mediteraneo estas maro inter Eŭropo, Azio kaj Afriko. Antikve la romianoj nomis ĝin la "ter-meza" maro (la latina signifo de "mediteranea") aŭ Mare Nostrum ("Maro Nia"), dum la helenoj nomis ĝin la "Interna Maro". Ĝi nomiĝas ankaŭ "Blanka Maro". Ĝi sterniĝas sur 2.966.000 km², kaj ĝia plej granda profundo estas 5.267 (36°34' N, 21°08' O) metroj (apud la peloponeza duoninsulo).

Ekde 1869, la Sueza Kanalo interkonektas Mediteraneon kun la Ruĝa Maro. En la okcidento, la ĝibraltara markolo konektas ĝin kun Atlantiko.

Tutĉirkaŭ tiu maro regas iom simila klimato (mildaj kun pluvegoj vintroj kaj varmaj kaj sekaj someroj), kaj grandioma propraj kaj apartaj faŭno, flaŭro, kaj tipaj pejzaĝoj, kies limo (ĉefe ties norda limo) estas ofte nete difinebla.

Ĉirkaŭ ĝi aperis civilizoj (egipta, hebrea, helena, romia, kristana, islamo, renesanco) kiuj influis la tutan mondon. Tiel oni ofte parolas pri la mediteraneaj regionoj.

Biogeografie, Mediteraneo estas unu el la maraj provincoj laŭ la Monda Natur-Fonduso (WWF) kaj la organizaĵo Nature Conservancy. Mediteraneo estas ankaŭ en la listo de la tutmondaj 200 pro sia graveco pri la naturprotekto.