Meiningen
| Meiningen | |||||||
| |||||||
| urba komunumo de Germanio • ĉefurbo de distrikto en Germanio | |||||||
|---|---|---|---|---|---|---|---|
| |||||||
| Administrado | |||||||
| Federacia lando | Turingio | ||||||
| Distrikto | Distrikto Schmalkalden-Meiningen | ||||||
| Urborajtoj | Urbo (Stadt) | ||||||
| Telefona antaŭkodo | 03693 | ||||||
| Poŝtkodo | 98617 | ||||||
| Malnova poŝtkodo de antaŭ 1993 | 6100 | ||||||
| Aŭtomobila kodo | MGN, SM | ||||||
| Oficiala Municipokodo | 16066042 | ||||||
| Subdivido | 3 urbopartoj (Stadtteile) | ||||||
| Politiko | |||||||
| Komunumestro | Fabian Giesder | ||||||
| Partio de komunumestro | SPD | ||||||
| Adreso de la administrejo | Schlossplatz 1 | ||||||
| Demografio | |||||||
| Loĝantaro | 24745 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 50° 33′ N, 10° 25′ O (mapo)50.5510.416666666667Koordinatoj: 50° 33′ N, 10° 25′ O (mapo) | ||||||
| Alto super la marnivelo | 287 m | ||||||
| Areo | 59,38 km² | ||||||
| Oficiala retejo | https://www.meiningen.de/ | ||||||
Meiningen estas historia urbo en Germanio. Meiningen estas la distriktosidejo de Distrikto Schmalkalden-Meiningen. Ĝi estas situanta sur la rivero Werra kaj situas proksimume 30 kilometrojn oriente de Fulda.
Meiningen estas konsiderita la kultura, jura kaj financa centro de suda Turingio; gravas ekster tio turismonkaj teknologia industrion La urbo jam situas en la lingva areo de Frankonio.
Historio
Meiningen unue estis menciita en 982. Imperiestro Henriko la 2-a donacis Meiningen en 1008 al la Diocezo de Würzburg, kaj ĝi restis por 534 jaroj parto de Würzburg. La urbo unue estis menciita en 1230 kiel grandurbo. Meiningen en 1542 venis al la domo de Henneberg kaj tiam en 1583, al la Ernestinaj duklandoj.
Inter 1680 ĝis 1918, ĝi estis la ĉefurbo de la Duklando de Saksio-Meiningen. La fabelkolektanto kaj verkisto Ludwig Bechstein estis arkivisto en Meiningen. Unu el la princinoj de Saksio-Meiningen, Adelheid Louise Theresa Caroline Amelia von Sachsen-Meiningen, iĝis la edzino de reĝo Vilhelmo la 4-a de Britio en 1818. Ŝi estas la nomdoninta de la aŭstralia grandurbo Adelajdo. La unua kortega teatro surloke malfermiĝis en 1831. La grandurbo estis ligita fare de la Werra-fervojlinio kun la germana fervojreto en 1858. Per la komenco de la 20-a Jarcento, la ekzisto de pluraj grandaj bankoj igis la urbon grava financa centro en Germanio.
La duklando estis aboliciita ĉe la fino de la Unua mondmilito Dum la Dua mondmilito Meiningen estis la loko de militkaptithospitalo. Terura aviadila atako sur Meiningen la 23-an de februaro 1945, de la USAAF kaŭzis 208 mortojn, detruis 251 domojn kaj du pontojn, kaj difektis 440 konstruaĵojn entute.. Meiningen estis liberigita fare de amerikaj armetrupoj en aprilo 1945. En julio 1945, la urbo estis inkludita en la soveta okupacizono kune kun la resto de Turingio.
Post germania reunuiĝo, Meiningen iĝis la ĉefurbo de la Distrikto Schmalkalden-Meiningen. En la Dreißigacker-areo, novaj entreprenoj kaj la nova malsanulejoestis konstruitaj. En 2003, la grandurbo estis ligita al la aŭtoŝoseo A 71.
Kulturo
Teatro
La teatrejo ofertas muzikan teatron (opero, opereto, muzikaloj), ludojn, simfonikoncertojn, pupspektaklojn, baleto- kaj junulteatron. Ĝi estis malfermita la 17-an de decembro 1831. Ĝi estis detruita en fajro en 1908 kaj estis anstataŭigita en 1909 per neoklasika konstruaĵo. Ĝiaj trupoj iam havis ludojn kaj donis koncertojn, kaj vojaĝis ĉie en Germanio kaj Eŭropo. La agado de la teatrema duko Georg la 3-a (1866-1914) tiukampe ege helpis. Hodiaŭ ĝia nomo estas Südthüringisches Staatstheater. Ĝi havas pli ol 300 homojn kaj disponigas enorman areon por opero kaj dramo. La direktoro estas Ansgar Haag.
Kortega orkestro
Ĝi estas unu el la plej malnovaj kaj tradiciriĉaj orkestroj en Eŭropo. La nuna kun 68 membroj estas parto de la teatrejo kaj aranĝas aldone al operakompano, regulajn simfonikoncertojn kaj junulkoncertojn. Philippe Bach estis la muzikdirektoro ekde 2010.
La tribunalorkestro estis fondita en 1690 fare de duko Bernardo la 1-a. En oktobro 1880 komenciĝis la plej sukcesa periodo de la orkestro kiu evoluis en elitan eŭropan orkestron sub la direkto de Hans von Bülow. Dum tiu periodo Johannes Brahms mem venis tien-ĉi por kunlaborado. Aliaj famaj direktoroj estis Richard Strauss (1885-86) kaj Max Reger (1911-14).
Arta domo
La "Kunsthaus Meiningen" estas kultura institucio en la historia framskeleta domo Alte Post. Ĝi prezentas ekspoziciojn de nuntempaj belartoj kaj ofertas laborrenkontiĝojn kaj laborŝancojn por lokaj kaj eksterlandaj artistoj.
Muzeoj
Meiningen-muzeoj konsistas el ses kulturaj kaj historiaj muzeoj kiuj enhavas la plej grandan artaĵkolekton en Turingio. La ĉefmuzeo estas en la Kastelo Elisabethenburg
La plej nova muzeo, malfermita en 1999, estas la Teatromuzeo en la antaŭa rajdlernejo proksime de la palaco. Ĝi ofertas ĉiujare varian ekspoziciaĵon de historie gravaj teatroscenfonoj kaj informas pri la estintaj turneoj de la aktoraj trupoj.
Politiko
Ĝemelurboj
Jen la partneraj urboj de Meiningen:
- Bussy-Saint-Georges, Francio, ekde 2006*
- Obertshausen, Germanio, ekde 2007
- Meiningen (Vorarlberg), Aŭstrio, ekde 2012
Amikecaj rilatoj ekzistas kun la grandurbo de Adelajdo en Aŭstralio pro ĝia samnomulo reĝina naskita en Meiningen.
Gefiloj de la urbo
- Peretz Bernstein (1890- 1971), israela politikisto
- Fritz Diez (1901-1979), aktoro kaj produktanto
- Paul Oestreicher (nask. 1931), anglikana pastro
- Georg la 2-a, Duko de Saksio-Meiningen
- Princino Adelajdo de Saksio-Meiningen, reĝinedzo de Britio kaj de Hanovro kiel geedzo de Vilhelmo la 4-a.
Famaj loĝantoj
- Ellen Franz (1839-1923) (kiel edzino de la duko: Helene Freifrau von Heldburg), pianisto kaj aktorino
- Jean Paul (1763-1825), poeto
- Ludwig Bechstein (1801-1860), poeto
- Hans von Bülow (1830-1894), direktisto
- Richard Strauss (1864-1949), direktisto
- Josef Kainz (1858-1910), aktoro
- Albert Bassermann (1867-1952), aktoro
- Karl Korsch (1886-1961), marksisto
- Max Reger, komponisto, pianisto kaj direktisto
- Elisabeth Grümmer (1911-1986), opereca lirika soprano
- Friedrich Schiller, poeto
- Johann Wolfgang von Goethe, poet
- Friedrich Mosengeil (1773-1839), stenografisto
- Johannes Brahms, komponisto
- Adele Sandrock (1863-1937), aktorino
- Bjørn Bjørnson (1859-1942), aktoro kaj direktoro
- Peter Borgelt (1927-1994), aktoro
- Eberhard Esche (1933-2006), aktoro
- Elīna Garanča (nask. 1976), kantisto
- Ingrid van Bergen (b. 1931), aktorino
Vidindaĵoj
