Meksikurbo
El Vikipedio
- Situo: Koordinatoj:
- Areo 1.499 km2
- Loĝantaro: 8.720.916 homoj en la urbo mem; 19.311.365 en la tuta urba aglomeraĵo. (Laŭ la censo de 2005)
- Horzono: GMT-6h (-5h de aprilo ĝis oktobro)
Meksikurbo (hispane, Ciudad de México) aŭ Meksiko estas la ĉefurbo kaj la plej granda urbo de Meksiko kaj unu el la plej grandaj urboj de la tuta mondo. Antaŭ la alveno de la hispanoj, Meksikurbo estis la ĉefurbo de la aztekoj kaj nomiĝis Tenoĉtitlano. Ĝi troviĝas en la Federacia Distrikto, kiu koncepte similas al aliaj federaciaj distriktoj, ekzemple la Distrikto Kolumbio en Usono aŭ Kanbero en Aŭstralio.
Tenoĉtitlano, la antikva urbo, estis urbo sur insuleto en mezo de lago. Tamen, la urbo kreskiĝis sur la lago, kaj la akvo sekiĝis. Tenoĉtitlano jam estis granda urbo, kiam venis la hispanoj, kaj nun Meksikurbo estas unu el la plej grandaj urboj en la mondo.
Antaŭ 1972, Meksikurbo estis la ĉefurbo de la Federacia Distrikto, sed tiun jaron, administrativa reformo ŝanĝis ties statuson, fakte malaperigante ĝin. Ĝi estis dividita en kvar distriktojn (delegaciojn), kiuj aldoniĝis al la jam ekzistantaj 12 delegacioj de la Federacia Distrikto. Tiel, nun, la Federacia Distrikto konsistas el 16 delegacioj. Kaj Meksikurbo, kiel politika kaj administrativa estaĵo, ne plu ekzistas. Do, en la praktiko, nun Meksikurbo kaj Federacia Distrikto estas la samaj.
Ĝis 1997, la urbestro estis nomumita de la prezidanto. Sed tiun jaron, leĝa reformo ebligis al la loĝantaro elekti sian urbestron. La unua elektita urbestro, nomata guberniestro, estis inĝeniero Cuauhtémoc Cárdenas, de la Partio de la Demokrata Revolucio (PRD). De tiam, ĉiuj guberniestroj estis membroj de la PRD (centro-maldekstra). La nuna guberniestro estas Marcelo Luis Ebrard Casaubon.
Meksikurbo havas la karakterizajn problemojn de la grandaj urboj: polucio, malsekureco, transporto, manko de akvo, k.t.p. sed ankaŭ la urbegajn karakterizajn malproblemojn: diverseco, pleneco, kulturo, konkuro, opcioj, k.t.p
[redaktu] Geesperantistoj el Meksiko
- Abraham Vega Acosta
- Alberto Gómez Cruz
- Alejandro Mejía
- Alicia Zepeda
- Ambrosio Vargas
- Ángel Luna Cárdenas
- Daniel Moreno Martínez
- Emilio Arias García
- Estela Gracia García
- Fidel Figueroa
- Francisco Azorín Izquierdo (hispano sed aktivis en Meksiko)
- Hugo González Monteverde (venezuelano sed aktivas en Meksiko)
- Jesús Amaya Topete tie mortis.
- Jesús Nájera Castaneira
- Jorge Luis Gutiérrez
- José Serrano López
- Juan de Oyarzábal
- Juan Jacobo Schmitter
- Julie Regal (usonanino sed aktivis en Meksiko)
- Leonora González
- Leonora Torres
- Manuel C. Rodríguez
- Mar Kardenas (Meksikanino sed loĝas en Kalifornio)
- Martin Schäeffer (Naskiĝis en Germanio)
- Vicente Valdés Bejarano (Naskiĝis en Meksikurbo)
[redaktu] Vidu ankaŭ
[redaktu] Eksteraj ligiloj
Distrikta Registaro- Retejo pri restoracioj, trinkejoj kaj noktejoj
- Aerfotoj
- Meksiko, turismaj informoj en esperanto enretigitaj de Alejandro Mejía
 |
 |
 |
|
|
 |
||
|---|---|---|---|
|
|||
