Melchior Schildt
Melchior Schildt (n. 1592 aŭ 1593 en Hanovro; m. 18-a de majo 1667 samloke) estis komponisto kaj orgenisto de la Nordgermana Orgenskolo.
Vivo kaj verkaro
Melchior Schildt ricevis unuan muzikinstruon supozeble de sia patro kaj de kantoro Crappius. Ekde 1609 ĝis verŝajne 1612 li estis lernanto ĉe Jan Pieterszoon Sweelinck en Amsterdamo. Sian unuan dokumentitan dungitecon Schildt ricevis en 1623 ĉe la preĝejo Marienkirche en Wolfenbüttel. Tiun ĉi postenon li tenis ĝis 1626, iĝonte kortegorgenisto ĉe Christian la 6-a de Danio. Post kiam la reĝo en 1629 pretigis al li laŭdan maldungan ateston, li transprenis la postenon de sia patro kiel orgenisto ĉe la preĝejo Marktkirche de Hanovro, kiun li tenis ĝis sia morto.
Schildt du fojojn edziĝis. El sia dua edzeco devenis kvar gefiloj, el kiuj du supervivis sian patron. Laŭ la testamento de Schildt, li estis bonstata viro.
Preskaŭ ĉiuj el la postlasitaj orgenverkoj de Schildt estas ĥoralaranĝoj kaj montras egajn diferencojn. La sola konservita voĉkanta verko estas ĥoralkonĉerto pri Ach mein herzliebes Jesulein.
Eksteraj ligiloj
greke Informoj pri Melchior Schildt en katalogo de la Germana Nacia Biblioteko (germane)