Militmartelo

El Vikipedio, la libera enciklopedio
Saltu al: navigado, serĉo

Militmartelo estas malfrua mezepoka armilo destinita por la milito, kies dizajno similas al la martelo. La militmartelo konsistas el tenilo kaj kapo. La tenilo povas esti el malsamaj longoj, la plej longa proksimume ekvivalenta al la halebardo, kaj la plej mallonga kiel la klabo. Longaj militmarteloj estis uzataj kontraŭ rajdantoj, dum mallongaj estis uzataj en pli proksimaj kontaktoj kaj ekde ĉevaldorso. Poste militmarteloj ofte havis pikilon sur unu flanko de la kapo, tiel igante ĝin pli multflanka armilo. Fama kazo de martelo kiel armilo estas Mjolnir, la armilo de la norena dio, Toro.