Moĉio

Dolĉaĵo el glua rizo: specifaj rizkukoj laŭ japana maniero, nomitaj moĉioj

Moĉio (japane: 餅 aŭ もち [moĉi]) aŭ (malprecize) rizkuko estas bul-forma manĝaĵo el rizo, kiu eniras multajn japanajn receptojn. Oni foje nomas ĝin dango-moĉi (dango = "buletoj"). Oni fabrikas ilin knedante kuiritan rizon, kiu iĝas tiam gluecega.

Uzo

Moĉioj estas uzataj dum grandaj okazaĵoj, ĉefe dum la novjarfesto. La preparado mem estas festa rito kaj oni ofte preparas ilin surstrate aŭ publike (vidu bildojn 2 kaj 3).

Pro ĝia granda glueco, sufokiĝoj estas tre oftaj kaj la konsumado rapida de multaj moĉioj ĉiujare okazigas dekon da mortoj en Japanio.

Preparado kaj manĝado

• 

  Elektronika rizboligilo,

• 

  Tradicia pistilo, usu,
  Osako, decembro 2002

• 

  Preparado de moĉioj

• 

  Moĉi-knedilo,
  Asaka, Gubernio Sajtama, decembro 2004

1. Vaporkuirado de la glua rizo;
2. La rizo estas kaĉigita per tradicia pistilo nomita usu aŭ pli moderne per moĉi-maŝino. La pasto iĝas glua kaj pli solida ol tiu de okcidenta pano. Tiu simbola preparado estas ofte farita publike kaj estas paro de la jarkomencaj ritoj.
3. Fine la moĉioj estas faritaj mane al buletoj, aŭ sternita kaj distranĉita al ortangulaj pecoj.
4. Nun (aŭ antaŭe) la moĉioj estas parfumitaj aldonante teon, sukeron k.s. en la paston aŭ nur tegante ĝin, kaj tuj formanĝitaj.
5. Oni uzas ĝin en manĝaĵoj, ekzemple supoj aŭ miksaĵoj (nabe), tiaj foje rostitaj.
6. Pasto tia estas ŝveligita enforne kaj uzitaj por prepari sembejon.

Manĝaĵoj kun moĉioj

• Dolĉaĵoj: wagashi
• Supoj: zoni (salita), o-ŝiruko (dolĉa, zenzai) kaj ĉikara udon
• Rostaĵoj: jakimoĉi, agemoĉi, arare (aŭ kakemoĉi)

Vidu ankaŭ

• Japana dolĉaĵo kun multaj aliaj specoj de rizkukoj
• Kaŝiŭa-moĉi
• Kuzu-moĉi, specialaĵo el la kvartalo de Ikegami, dolĉaĵo ligita al budhismaj temploj Niĉiren

Eksteraj ligiloj

• Recepto de moĉio