Modra

El Vikipedio

(Alidirektita el Modra (urbo))

Saltu al: navigado, serĉo

Modra en la mapo

Urbopordego de Modra

Modra (hungare Modor, germane Modern) estas urbo en Slovakio.

Enhavo

Modra situas en Malgrandaj Karpatoj, laŭ ĉefvojo kaj fervojo Bratislava-Trnava. La ĉefurbo troviĝas 22 km-ojn for.

La kampoj komence apartenis al Bratislava burgo. La unua mencio devenis el 1158, kiam hungara reĝo Géza la 2-a donacis la lokon al episkopo de Nyitra. La komunumo detruiĝis fare de tataroj en 1241. Mateo Csák havis la tutan regionon inter 1300-1321. Tiutempe la loĝantaro jam okupiĝis pri vinkulturo. En 1361 la komunumo urbiĝis, en 1569 iĝis ankaŭ kampurbo ricevinte ĝin de Maksimiliano la 2-a (Sankta Romia Imperio). La urbo estis luterana episkopejo inter 1741 kaj 1934. La katolika lernejo iĝis luterana en 1594. En 1605 Stefano Bocskai okupis la urbon. En 1607 ricevis altan rangon libera reĝa urbo de Rudolfo la 2-a. Konstruado de la fortikaĵo finiĝis en 1646, tamen la turkoj detruis la urbon en 1663. Okazis incendioj en 1705 kaj 1729. En 1674 la katolika paroĥo kaj lernejo refondiĝis. En la 19-a j.c. granda parto de la fortikaĵo malkonstruiĝis.

En 1910 loĝis en la urbo 5009 da homoj (4124 slovakoj kaj 347 hungaroj). Ĝis Traktato de Trianon ĝi apartenis al Pozsony (reĝa departemento), kie estis urbo kun konsilantrajto. Poste ĝi iĝis parto de Ĉeĥoslovakio. La urbo ankaŭ nun famas pri vinkulturo.

romkatolika tombeja preĝejo omaĝe al Bapta Sankta Johano el la 14-a j.c.
romkatolika paroĥa renesanca-klasikisma preĝejo omaĝe al Stefano la 1-a (Hungario) el 1873, ankaŭ pilgrimloko
luterana templo el 1863
germana templo el 1865
slovaka templomo el 1835
urboturo el 1634
kapelo omaĝe al Neĝa Virga Maria el 1760
kapelo omaĝe al Sankta Triunuo el 1758
kapelo omaĝe al Maria Magdalena el 1862
preĝejo omaĝe al "Kraľová" Sankta Miĥaelo el 1863
puto pri Sankta Floriano el 1752
kastelo el 1925 en loko de iama fortikaĵo, nun faklernejo pri vinkulturo