Mogi das Cruzes

El Vikipedio, la libera enciklopedio
Saltu al: navigado, serĉo

Mogi das Cruzes, nomo kiu signifas [loko apud] krucoj apud [rivero] Mogi, estas municipo de aglomeraĵo San-Paŭlo, Brazilo. Ĝi havas 347 mil enloĝantojn en 714 km².

Krom parto de aglomeraĵo San-Paŭlo, estas en municipo la vilaĝoj Sabaúna, César de Souza, Biritiba-Ussu, Taiaçupeba Quatinga, Brás Cubas kaj Jundiapeba. Tiuj vilaĝoj produktas grandan kvanton da agrikolaj produktoj al aglomeraĵo San-Paŭlo. Ankaŭ estas en la municipo la aparta industria kvartalo Itapeti.

Ĝi estas municipo ekde 1611 kaj havas la statuson de urbo ekde 1865.

Esperanto en Mogi das Cruzes[redakti | redakti fonton]

La 19-an de Oktobro 1979 estis fondita “Asociação Mogiana de Esperanto” (Moĵia Esperanto-Asocio) sub la inspiro de la klera esperantisto Euclides Carneiro da Silva. En la sama dato estis elektita la jena estraro de la nova asocio: Prezidanto: Prof-ro Euclides Carneiro da Silva; Vicprezidanto: Benedita Esmeralda Lobo; Sekretario: Antônio Fernandes da Silva; Kasisto: Toshie Nojiri.

Malgraŭ tio, ke Euclides Carneiro da Silva estis tre klera homo, kaj Mogi das Cruzes estas urbo posedanta du universitatojn, la Esperanto-movado tie ne multe prosperis, tamen, per la pluraj kursoj gviditaj de li kaj pro la disvastigo pere de la revuoEsperanta Katoliko”, de li eldonita, oni kredas kaj deziras, ke la semoj ĵetitaj ja vintre dormas, sed iam ili ĝermos kaj fruktodonos.

Tie mortis Euclides Carneiro da Silva.

Hodiaŭ estas gastiganto de Pasporta Servo tie.