Monaĥejo Aĥtala

El Vikipedio, la libera enciklopedio
Saltu al: navigado, serĉo
Monaĥejo Aĥtala

La Monaĥejo Aĥtala (armene: Ախթալա վանք Aĥtala vanq; kartvele: ახტალის ტაძარი) estas kartvela ortodoksa fortikigita monaĥejo de la 10-a jarcento en Armenio, kiu apartenas al la Armena Apostola Eklezio. Ĝi situas en la vilaĝo Aĥtala, en la marzo Lori, je 185 km de Erevan, norde de la lando kaj tre proksime de la kartvela landlimo. Nuntempe la monaĥejo ne estas aktiva.

La fortikaĵo ludis gravan rolon en la protektado de la nordokcidento de Armenio, la regiono nomata Gugarq. La konstruaĵo ankaŭ troviĝas inter la plej bone konservataj de la lando. La ĉefa preĝejo famas pro la freskoj kaj la altkvalita dekoraciado de la pentraĵoj kiuj kovras la murojn.