Monastir (Tunizio)

El Vikipedio, la libera enciklopedio
Saltu al: navigado, serĉo
Disambig.svg La titolo havas ankaŭ aliajn signifojn, por vidi ilin bonvolu rigardi la apartigan paĝon: Monastir


La islama fortikaĵo (Ribat) en Monastir

Monastir (arabe المنستير, per latinaj literoj al-munastīr, de la latina vorto monasterium) estas marborda urbo en Tunizio. Ĝi troviĝas en la sudo de la Golfo de Hamamet, 20 kilometrojn sude de Sousse kaj 162 kilometrojn sude de la tunizia ĉefurbo Tunizo. Dum la jaro 2004 la urbo havis 71.546 enloĝantojn.

Geografio[redakti | redakti fonton]

Monastir troviĝas sur la terpinto de malgranda rokeca duoninsulo kiu disigas la golfo de Hammamet de la golfo de Monastir. Sur la pinto de la promontoro troviĝas la turisma haveno starigita inter la pinto kaj la du insuletoj antaŭantaj la promontoro (insulo de Sidi El Gadamsi kaj insulo de Lostaniah). malantaŭ la marbordo troviĝas la tombejo de Sidi El Mazeri, kaj okcidente la Maŭzoleo de Bourguiba kaj oriente la Ribat kaj la Granda Moskeo. La moskeo Bourguiba troviĝas malantaŭ la tombejo en la centro de la urbo.

Fronte al Monastir, je ĉirkaŭ 16 km oriente, troviĝas la insularo Kuriate, natura rezervejo de Tunizio.

La ĉefa ekonomia aktiveco de la areo estas turismo. Norde de Monastir, direkte al Susa, estas la mar-bana zono de Skanes kie stariĝis hoteloj kaj loĝaranĝoj por ĉirkaŭ 20.000 litlokoj. Krom turismo la aliaj ekonomiaj aktivecoj estas tekstila industrio por la traktado de la lano, la produktado de salo, sapo, kaj oliva oleo, kaj la tradicia fiŝkaptado.

La urbo havas faman ribat (monakejo-fortikaĵo), starigita en 180 d.C., al kiu la urbo ŝuldas sian nomon. Je Monastir naskiĝis la unua presidanto de Tunizio, Habib Bourguiba, al kiu estas dediĉita moderna moskeo, kompletigita en 1968.

La areo de Monastir-Skanes- Susa estas priservita per Internacia flughaveno Habib Bourgiba Monastir.

Je Monastir estas Universitato, starigita en 2004, kun 5 Fakoj: Sciencoj, Medicino, Odontoiatrio, Farmacio, Ekonomiaj kaj Administraj Sciencoj .


Partnera urbo[redakti | redakti fonton]