Moraviaj Esperanto-Pioniroj

El Vikipedio

MORAVIAJ ESPERANTO-PIONIROJ estis multsignifa eldonejo, fondita fare de A. Kudela, J. Mastný kaj A. Neužil en Olomouc.

Al la kolektivo de kunlaborantoj estas necese aldoni personon, kiu estis verŝajne la ĉefa tradukanto en la kolektivo de MEP, sed kiu pro sia modesteco ne permesis, ke la eldonantoj indiku lin kiel tradukinton. Li estis Josef Řebíček, finfrekventinto de juro-studoj en Prago, ĉefo de komerca departemento en la fervoja direkcio en Olomouc, esperantisto de la jaro 1918. Li ne ŝatis societan vivon, tamen li dediĉis ĉiun sian liberan tempon al tradukado, preskorektado, administrado. Verkoj tradukotaj estis elektataj precipe de J. Mastný. La netskribaĵojn por la preso kaj preskorektojn helpadis plenumi al J. Řebíček tre oferema animo de la kolektivo Tonča Mrázková, orfino, kiu estis septembre 1942 torturmurdita en la nazia koncentrejo Oświęcim. Antaŭ la milito ŝi aktivis ankaŭ en fervojistina Esperanto-rondeto en Olomouc.

[redakti] Eldonitaj verkoj

• La Koboldo Ondra de J. Mahen (1921)
• R.U.R. de K. Čapek (1926)
• Malriĉa Knabo, kiu gloriĝis de J. Herben (1930)
• Tridek jarojn en la ora nordo de J. Welzl (1931)
• Fokso-Nukso de I. Herrmann (1932)
• Mi en Li de L. Vladyka (1933)
• Du Noveloj de J. Sumín kaj R. Svobodová (1933)
• Noveloj de Čapek-Chod (1934)
• Kiel fariĝi kreanto facile kaj rapide de P. Den (1935)
• Homoj sur Flosglacio de V. Werner (1937)

Tie aperis ankaŭ teatraĵo

• La Blanka Malsano de K. Čapek en la traduko de Th. Kilian (1938)