Moroni (mormonismo)

El Vikipedio, la libera enciklopedio
Saltu al: navigado, serĉo
Statuo de la Anĝelo Moroni surpinte de mormona templo en Berno, Svislando

Moroni, laŭ la Libro de Mormon, estis la lasta profeto kaj militestro de la nefidoj, kiu vivis en Nordameriko fine de la 4-a kaj komence de la 5-a jarcento. Krom la historio de la libro de Mormon, ankaŭ Joseph Smith kaj la Tri Atestantoj atestis ke ili vidis na Moroni en lia anĝeleca aspekto.

Li estis la filo de la profeto Mormon, el kiu la Libro de Mormon prenis sian nomon. La nomo de Moroni estas posta al (kaj oni ne konfuzi ambaŭ) la Kapitano Moroni, rolulo de la sama libro, sed pli frue.

Moroni servis sian patron, kiu estis ĉefkomandanto, en la lasta milito inter nefidoj kaj lamanidoj, gvidante armeon kun 10,000 soldatoj. Post la venko de la nefidoj, Moroni devis kaŝiĝi kaj fuĝi por ne estis kaptita de la lamanidoj.

Moroni ricevis la ordonon de la patro kompletigi la registrojn de la nefida historio kiun li antaŭe verkis. Tiam li verkis la ĉapitrojn 8 kaj 9 de la Libro de Mormon (la registro de Mormon), la Libro de Moroni komplete, kaj la Enkonduko de la libro de Mormon. Li ankaŭ verkis la Libro de Eter, kiu baze estas resumo pri antikva civilizo, konata kiel la ĥaredidoj, sed ĝi ankaŭ inkluzivas kelkajn komentojn de li mem, speciale la ĉapitroj 4, 5, 8 kaj 12.

Kiam Moroni finis la registradon de la verkaĵoj sur Planĉoj, li enterigis ilin en ŝtonskatolo ĉe monto en la nuna Ontario County, Nov-Jorko. En tiu ĉi loko stariĝis 12-metra monumento el bronzo kaj granito honore al Moroni, kiu estas nomata kiel "Kumorah".

Anĝelo[redakti | redakti fonton]

En la nokto de la 21-a de septembro 1823, Moroni aperis antaŭ Joseph Smith, kiu poste fariĝis la fondinto de la Eklezio de Jesuo Kristo de la Sanktuloj de la Lastaj Tagoj, kaj informis lin pri la orplanĉoj enterigitaj en monto, je kelkaj kilometroj de lia domo. Dum ses jaroj li vizitis Smith almenaŭ dudek fojojn. Post la supozebla tradukado de la triono (aŭ du trionoj laŭ aliaj) de la libro de Mormon, Moroni prenis la planĉojn kaj revenis kun ili ĉielen.

Pro la agado de Moroni en la restaŭrado de la evangelio predikita de Kristo, Moroni estas identigata de la mormonoj kun la menciita anĝelo en Apokalipso 14:6: "Kaj mi vidis alian anĝelon, flugantan en meza ĉielo, havantan eternan evangelion, por evangelii la loĝantojn de la tero kaj ĉiun nacion kaj tribon kaj lingvon kaj popolon "

La bildo de la anĝelo Moroni ludante trumpeton estas ĝenerale uzata kiel neoficiala simbolo en la temploj de la mormonoj. Li ankaŭ aperas en pluraj eldonoj de la Libro de Mormon.

La historio de Moroni same kiel ĉiuj aliaj de la Libro de Mormon estas pridubata de ĉiuj kristanaj grupoj escepte de la mormonoj, de la arkeologoj, historiistoj, lingvistoj kaj sciencistoj ĉar ne ekzistas eĉ ne unu simpla pruvaĵo en Ameriko kiu povas evidentigi la ekzistadon de tiuj profetoj kaj popoloj kiuj vojaĝis de Israelo al Ameriko kaj ekloĝis ĝin. La plimulto konsideras tiujn historiojn kiel inventaĵoj de Joseph Smith aŭ miksaĵo de pluraj elementoj el gnostikismo, kristanismo kaj islamo.