Nacia Banko de Belgio

El Vikipedio, la libera enciklopedio
Saltu al: navigado, serĉo
Nacia Banko de Belgio
Oficiala nomo Nationale Bank van België (nederlande)
Banque nationale de Belgique (france)
Belgische Nationalbank (germane)
fasado de la Nacia Banko de Belgio
fasado de la Nacia Banko de Belgio
Sidejo Bruselo, Belgio
Prezidanto Guy Quaden
Centra banko de Flago de Belgio malpli alta.svg Belgio
Valuto

Eŭro

ISO 4217 EUR
Retejo

www.nbb.be

Sekva(j) institucio(j)

Eŭropa Sistemo de Centraj Bankoj (ekde la jaro 1999)

v  d  r
Information icon.svg

La Nacia Banko de Belgio (france Banque nationale de Belgique, nederlande Nationale Bank van België, germane Belgische Nationalbank) estas la centra banko de Belgio kaj membras en la Eŭropa Sistemo de Centraj Bankoj.

Jura formo[redakti | redakti fonton]

La Nacia Banko de Belgio estas akcia kompanio kun baza kapitalo de dek milionoj da eŭroj. Ekzistas 400 000 akcioj, el kiuj duono nevendeble apartenas al la belga ŝtato kaj la alia duono havas individuajn posedantojn. . La funkcion de la banko principe reguligas nacia "leĝo pri la fundamenta statuto de la Nacia Banko de Belgio".[1]

La bankestro kaj la direktoroj de la nacia banko estas nomumataj fare de la belga reĝo.

Organiziĝo[redakti | redakti fonton]

La organoj de la banko estas la bankestro (france nomata gouverneur), la direktoraro, la konsilio de regantoj kaj la kolegaro de cenzuristoj.

Bankestro[redakti | redakti fonton]

La bankestro nomata gouverneur havas oficperiodon de kvin jaroj kaj estas nomumata fare de la belga reĝo. Reelekto eblas. La reĝo respekte al la statuto de la Eŭropa Centra Banko nur tiam povas maldungi lin/ŝin, se la postenulo ne plu plenumas la oficajn kondiĉojn aŭ faris severan eraron.

Direktoraro[redakti | redakti fonton]

La direktoraro konsistas el la bankestro kaj el minimume kvin kaj maksimume sep direktoroj. La direktoraro havas saman nombron da franclingvaj kaj da nederlandlingvaj membroj. Ĝi administras la bankon kaj difinas ties politikajn gvidliniojn.

Kolegaro de cenzuristoj[redakti | redakti fonton]

La kolegaro de cenzuristoj havas ok membrojn. Ankaŭ ĝi havas saman nombron da franclingvaj kaj da nederlandlingvaj membroj. La kolegaro havas la taskon supervidi la starigon kaj plenumon de la banka buĝeto. La cenzuristoj estas elektataj por oficperiodo de 3 jaroj fare de la ĝenerala banka asembleo.

Konsilio de regantoj[redakti | redakti fonton]

La membroj de la konsilio de regantoj estas same elektataj por oficperiodo de 3 jaroj fare de la ĝenerala banka asembleo. Reelekto eblas. Du regantoj estas elektataj laŭ propono de la plej multmembra organizaĵo de laborprenantoj. Tri regantoj estas elektataj laŭ propono de la plej multmembra organizaĵo po de industrio kaj komerco, de la agrikulturistoj kaj de la mezgrandaj entreprenoj. Kvin pliaj regantoj estas elektataj laŭ propono de la nacia ministro pri financoj.

Tasko de la konsilio estas la ratifiko de la jara raporto de la nacia banko kaj la fina interkonsento pri disdono de la banka profito. Tiun taskon alikaze havus la ĝenerala banka asembleo.

Eksteraj ligiloj[redakti | redakti fonton]

Vidu ankaŭ[redakti | redakti fonton]

Fontoj[redakti | redakti fonton]

  1. "statuto de la Nacia Banko de Belgio" (nederlande, france kaj germane