Nacia Parko Mount Rainier

El Vikipedio, la libera enciklopedio
Saltu al: navigado, serĉo
Enirejo Nisqually en la parkon

Mount Rainier National Park (Nacia Parko Mount RainierMonto Rajnera) estas usona nacia parko troviĝanta en la sudorienta parto de Kantono Pierce kaj la nordokcidenta parto de Kantono Lewis, en Vaŝingtonio, Usono. Ĝi establiĝis la 2-an de marto 1899, kiel la kvina nacia parko en Usono. La parko ampleksas areon de 95 660 hektaroj[1], inkluzive de la tuto de Monto Rajnera, 4 391 metrojn alta stratovulkano[2]. La monto leviĝas abrupte el la ĉirkaŭa ebenaĵo; la limo de la parko altas ĉe la plej malalta punkto 490 m. La monto estas la plej alta pinto de la Kaskada Kresto; ĝin ĉirkaŭas valoj, akvofaloj, subalpaj florkampoj, praarbaroj, kaj pli ol 25 glaĉeroj. La glaĉeraro kaj neĝokamparo de la pinto kovras areon de ĉ. 91 km2. Glaĉero Carbon estas la plej volumena glaĉero en Usono ekster Alasko, kaj Glaĉero Emmons estas la plej granda laŭ areo. La vulkanon ofte vualas nuboj, kiuj faligas grandegajn kvantojn da pluvo kaj neĝo sur la pinto ĉiujare, kaj ofte kaŝas ĝin de la vido de la homamasoj, kiuj impetas parken semajnfine.

La monton ĉirkaŭas Wonderland Trail ("Mirlanda Piedvojo"). Proksimume 1,8 milionoj da homoj vizitas la parkon ĉiujare. La monto estas populara grimpocelo; ĉiujare ĉirkaŭ dek mil homoj entreprenas la grimpadon, el kiuj proksimume duono atingas la pinton. La parko entenas ĉ. 370 km2 da malnovaj, neniam rikoltitaj arbaroj.[3]

Citaĵoj[redakti | redakti fonton]

  1. Listing of acreage as of 12/31/2011". Land Resource Division, National Park Service. http://www.nature.nps.gov/stats/Acreage/acrebypark11cy.pdf. Retrieved 2012-03-07
  2. http://www.nps.gov/mora/naturescience/index.htm
  3. (1993) Area of old-growth forests in California, Oregon, and Washington. United States Forest Service, Pacific Northwest Research Station. Resource Bulletin PNW-RB-197. 

Eksteraj ligiloj[redakti | redakti fonton]

Oficiala retpaĝaro de la parko ĉe la Nacia Parka Servo