Nagojo

Vidu ankaŭ la paĝon Urbo Nagoja

---

Nagojo estas esperantigita loknomo de Nagoja (japane: 名古屋 [Nagoja], Hepburn/Kunrei Nagoya) en Japanio. Ĝi estas grava marhaveno kaj universitata urbo, kaj krome servas kiel administra centro de la gubernio Ajĉi.

Flago de Nagojo

Nuboskrapuloj en Nagojo

Enirejo de metroo en Nagojo

Urbodomo de Nagojo

La nomo signifas malvastigate Urbo Nagoja (名古屋市), sed vastigate signifas pli grandan lokon: Kiel oni nomas ĉirkaŭejon de Tokiaj specialaj kvartaloj "Tokio", tiel oni nomas ĉirkaŭejon de Urbo Nagoja "Nagojo".

Ĉar la lokonomo "Ajĉi" en gubernio Ajĉi estas malpli konata ol "Nagoja", fojfoje oni uzas "Nagoja" anstataŭ "Ajĉi" por gubernio Ajĉi.

Originale "Nagoja" (名古屋) signifas ĉirkaŭejon de urbo de Nagoja Kastelo (nun Naka-kvartalo).

Geografio

Nagojo situas borde de la Pacifika Oceano.

Historio

Nagojo ligiĝas al konstruo de kastelo en 1612. Antaŭ ol Nagoja Kastelo konstruiĝis, oni skribis 那古野 [nagoja]. Poste la loko iĝis industria loko. Oni okupiĝis precipe pri ceramikaĵoj. Nagojo urbiĝis en 1889. Dum la 2-a mondmilito Usono ofte bombardis la urbon.

Vidindaĵoj

• kastelo, renovigita en 1959
• sanktejo Atsuta Ŝrine
• televida turo
• bestoĝardeno
• muzeoj pri artoj, aŭtoj kaj robotoj

Klimato

En Nagojo jare pluvas po 1565 mm (en ĉiuj monatoj pluvas, en februaro neĝas). La temperaturo en julio-aŭgusto estas ĉirkaŭe 30 °C. Tio estas vintre ĉirkaŭ frostopunkto.

Trafiko

Nagojo havas internacian flughavenon, stacidomon kaj metroon.

Nagojaj specialaĵoj

• Uiro
• Udono stufita kun miso

Famuloj

Nagojo estas naskiĝurbo de Ŝimomura Joŝiŝi.

Ĝemelurboj

• Los-Anĝeleso, Usono
• Meksikurbo, Meksiko
• Nanjing, Ĉinio
• Sidnejo, Aŭstralio
• Torino, Italio

Vidu ankaŭ

• Plej grandaj urboj (laŭ loĝantaro)
• Listo de milionurboj