Nathan Mayer Rothschild
| Nathan Mayer Rothschild | |
|---|---|
| |
| Persona informo | |
| Naskiĝo | 16-an de septembro 1777 en Frankfurto ĉe Majno |
| Morto | 28-an de julio 1836 (58-jaraĝa) en Frankfurto ĉe Majno |
| Tombo | Brady Street Cemetery, Whitechapel |
| Ŝtataneco | Unuiĝinta Reĝlando de Granda Britio kaj Irlando |
| Familio | |
| Patro | Mayer Amschel Rothschild |
| Patrino | Gutle Rothschild |
| Frat(in)oj | Schönche Jeannette Rothschild • Salomon Mayer Rothschild • Carl Mayer von Rothschild • Amschel Mayer Rothschild • James Mayer de Rothschild • Henriette Rothschild |
| Edz(in)o | Hannah Cohen |
| Infanoj | Nathaniel de Rothschild • Lionel de Rothschild • Sir Anthony de Rothschild, 1st Baronet • Mayer Amschel de Rothschild • Luise von Rothschild • Charlotte Nathan Rothschild • Hannah Mayer Rothschild |
| Okupo | |
| Okupo | bankisto • banko |
Barono Nathan Mayer ROTHSCHILD [rotŝild] (16-an de septembro 1777 en Frankfurt am Main - 28-an de julio 1836) estis la kvara infano kaj tria filo de la fondinto de la Rothschild-dinastio, Mayer Amschel Rothschild (1744–1812) kaj Gutle Rothschild (naske Schnapper (1753–1849). Li naskiĝis en la fankfurta juda geto de la urbo kaj iĝis fondinto de la angla branĉo de la familio.
Li agadis inter 1790 kaj 1800 kiel teksaĵa komercisto en Manchester. Li geedziĝis kun filino de Levi Barent Cohen (Hannah) en oktobro de 1806 kaj tio igis lin bofilo de influhava londona komercisto kaj kiu altigis la kapitalon per grava doto. Li aĉetis en 1808 domon en Londono kaj fondis la bankon N M Rothschild & Sons, kiu ankoraŭ nuntempe sukcese agadas.
Sub gvido de Nathan, la Rotŝildoj iĝis en 20 jaroj la plej gravaj bankistoj de Eŭropo.
Nathan investis la monon de Vilhelmo la 1-a el la soldata komerco - kiun li pensis protekti kontraŭ Napoleono - en oron de la Brita Orient-Hindia Kompanio, kiu estis uzata poste por la militiroj de Wellington. Aĉeto kaj reaĉeto de la Wellington-akcioj, la vendo kaj reaĉeto de oroj je Wellington, ties sendo al Portugalio kaj la kontrabando dum la kontinenta blokado, alportis por li profitegon. Li iĝis plej influhava financisto de la brita registaro.
Lia filo, Lionel Nathan Rothschild (1808–1879), plu gvidis la komercon en Anglio.
Ekde 1822 li estis Freiherr (barono en la germana nobelaro). Lia nepo kun la sama nomo (Nathan Mayer Rothschild (pli juna) 1840–1915) iĝis la unua Baron Rothschild (barono en la brita nobelaro) en la familio.