Navalmoralejo

El Vikipedio, la libera enciklopedio
Saltu al: navigado, serĉo

Koordinatoj mankas! Bonvolu kunhelpi.Koordinatoj mankas! Bonvolu kunhelpi

Navalmoralejo
Administrado
Lando Hispanio
Regiono Kastilio-Manĉo
Provinco Toledo
Urbestro Manuel Ramón Chico López
Retpaĝaro []
Demografio
Loĝantaro 67  (2011)
Loĝdenso 3,05 loĝ./km2
Geografio
Areo 22
v  d  r
Information icon.svg
Situo de la provinco Toledo en Hispanio
Situo de Navalmoralejo en la provinco Toledo kaj en Hispanio

Navalmoralejo estas municipo de Hispanio, en la Provinco de Toledo, regiono de Kastilio-Manĉo. En ties teritorio troviĝas la nuna senhoma iama setlejo de Fuente el Apio.

Toponimio[redakti | redakti fonton]

La termino "Navalmoralejo" devenas de Navalmoral kiu estas fonetika kunmetaĵo de 'Nava del Moral'. Nava estas malgranda altebenaĵo,[1] dum moral devenas per sufikso -al de mora, el vulgara latina MORA, 'rubuso aŭ moruso'.[2]

La populara legendo rakontas ke la vilaĝo estis kreata de eksilita maŭro nome llamado Alejo (Alekso), kiu devenis el iama proksima setlejo nome "Ciudad de Vascos" (Urbo de eŭskoj), kaj kiu pro malamikeco kun ties estro estis ekzilita al tiu loko, kie dediĉis sin al paŝtado kaj fondis la vilaĝo. De tio devenus la nomo Navas del Moro Alejo, kio mallonĝiĝus en Navalmoralejo.[3] Tiun eblon oni malakceptas ĉar, krom la evidenta fuŝo de la teorio, oni scias, ke antaŭ la 17a jrcento oni konis la municipon per la nomo de Navalmoral kaj kiu por distingi ĝin el aliaj lokoj samnomaj, kiaj la relative proksima Navalmoral de la Mata, oni aldonis la diminutivan sufikson -ejo.

La komenca nomigo rilatas al la fakto ke la vilaĝo situantas sur altebenaĵo kiu enhavis ĉu morusarbojn ĉu rubusarbustojn. Jiménez de Gregorio estas pli preciza kaj indikas ke ekzistis fonto antaŭ la vilaĝo, konata kiel Fuente del Moral (fonto de la moruso aŭ rubuso), kiel deveno de la nomo.[4]

Loĝantoj[redakti | redakti fonton]

La loĝanto nomiĝas Navalmoralejano. La censita populacio en 2011 estis de 67 loĝantoj kaj la denseco estas de 3,05 loĝ/km².

Situo[redakti | redakti fonton]

Navalmoralejo estas situanta en la nordokcidenta parto de Kastilio-Manĉo en la komarkodistrikto Campana de Oropesa en la okcidenta parto de la provinco de Toledo, je altitudo de 423 m; je 116 km el Toledo, provinca kaj regiona ĉefurbo, je 178 km el Madrido, ŝtata ĉefurbo, kaj je 56 km el Talavera de la Reina, polej proksima urbo. La areo de ties teritorio estas de 22 km². La geografiaj koordinatoj estas 39°44′21″ N 5°8′36″ Ok.

Geografio[redakti | redakti fonton]

La municipo troviĝas situanta ĉe «deklivo de monteto sude».[5] Ĝi apartenas al la komarko de la Campana de Oropesa kaj limas kun la municipaj teritorioj de Villar del Pedroso okcidente en la provinco de Cáceres kaj Azután norde, Aldeanueva de Barbarroya oriente kaj La Estrella sude, en la provinco de Toledo.

La plej alta pinto troviĝas en la monto Peladilla kun 604 msm. Nordoriente estas la akvorezervejo de Azután kie fluas la akvo el rivero Huso, kies fluejo limas kun la teritorio de Aldeanueva de Barbarroya. De sudo norden ĝi estas trafluata de la rojo Andilucha kiu pasas ĉe la domaro kaj enfluas en la riveron Taĵo ene de la teritorio de Azután.

Ekonomio[redakti | redakti fonton]

Agrikulturo kaj brutobredado tradicie.

Historio[redakti | redakti fonton]

Estas proksime ruinoj de islama epoko. Oni reloĝigis la areon el 13a al 15a jarcento.

Meze de la 19a jarcento ĝi havis 52 domojn el ardezo kaj la municipa buĝeto estis de 3.080 "reales" el kiuj 1.300 estis por la sekretario.[5]

Meze de la 20a jarcento la populacio atingis ĝis 400 loĝantojn, sed poste okazis elmigrado, senloĝigo kaj maljuniĝo de la populacio, kiu preskaŭ sesoniĝis al malpli da 70.

El 1979 al 2011 ĉiam regis la vilaĝon sama urbestro nome Manuel Ramón Chico López, laŭ diversaj politikaj instancoj, ĉiam dekstra

Notoj[redakti | redakti fonton]

  1. Vidu pri termino Nava en Navahermosa.
  2. Jairo Javier García Sánchez, Toponimia mayor de la Tierra de Talavera, 1998, Excmo. Ayuntamiento de Talavera de la Reina, paĝo 87, ISBN 84-88439-70-9.
  3. . Laŭ Diccionario Enciclopédico de la provincia de Toledo, ECOS. M-38645-2000.
  4. Jiménez de Gregorio, Fernando, Diccionario de los pueblos de la provincia de Toledo hasta finalizar el siglo XVIII, vol II, paĝo 47, Toledo 1962-1986, Editorial Católica Toledana.
  5. 5,0 5,1 Madoz, volumeno 12, paĝo 60.

Bibliografio[redakti | redakti fonton]

  • Ricardo Izquierdo Benito (2000). La ciudad hispanomusulmana de Vascos. Navalmoralejo (Toledo). Diputación provincial de Toledo. ISBN 84-87100-70-8.

Vidu ankaŭ[redakti | redakti fonton]