Neunkirch

Neunkirch
	Blazono de Neunkirch
	Strato en la urbocentro de Neunkirch
komunumo en Svislando
Kantono	Ŝafhaŭzo
Distrikto	Ne estas distriktoj en ; Kantono Ŝafhaŭzo.
Koordinatoj	47° 41′ 25″ N 8° 29′ 57″ O / 47.69028 °N, 8.49917 °O (mapo)Koordinatoj: 47° 41′ 25″ N 8° 29′ 57″ O / 47.69028 °N, 8.49917 °O (mapo)
Nombro de loĝantoj	1828
Areo	17,91 km²
Alteco	429 m super marnivelo
Poŝtkodo	8213
Komunumkodo	2904
	Mapo de Neunkirch
	v • d • r

Por samtitola artikolo vidu la paĝon Neunkirch (stacidomo).

Neunkirch estas historia urbeto kaj komunumo en Kantono Ŝafhaŭzo, Svislando. Ĝi havis 1828 loĝantojn je la 30-a de junio 2008.

Geografio[redakti | redakti fonton]

Neunkirch situas en la sudo de la regiono Klettgau ĉe la norda flanko de la montaro Randen. En la sudo de la komunumo sur Randen troviĝas vasta arbaro, kiu invitas al migrado.

Najbaraj komunumoj[redakti | redakti fonton]

Neunkirch limas en nordo al Oberhallau, Gächlingen kaj Siblingen, en oriento al Löhningen kaj Guntmadingen, en sudoreinto al Jestetten (Baden-Virtembergo, Germanio), en sudokcidento al Wilchingen kaj en nordokcidento al Hallau.

Vidindaĵoj[redakti | redakti fonton]

La urbeto estas aparte vidinda pro sia bone konservita mezepoko urbocentro, kiu estas monumento de nacia signifo. Pri la malsupra urbopordego estas dirata, ke se oni pasas tra la malgranda pordo apud la ĉefpordego oni akiras longan vivon, dum se oni paŝas tra la granda pordo oni faras sian lastan iron. Vidindaj estas ankaŭ la multnombraj faktrabdomoj, la du preghejoj kaj la loka muzeo. Ĉe la loko de iama ferminejo en la arbaro la sudo de la komunumo situas sur alteco de 616 m s.m. la arbara kabano Wasenhütte, kiu lueblas pro festoj de grupoj kaj privatuloj.

Trafiko[redakti | redakti fonton]

Neunkirch situas ĉe la fervojlinio Hochrheinbahn de Deutsche Bahn de Ŝafhaŭzo al Bazelo. Per lokaj trajnoj Ŝafhaŭzo atingeblas en 14 minutoj.

Historio[redakti | redakti fonton]

La unua dokumenta mencio de Neunkirch datiĝas el la jaro 850 kiel Niuchilchun. Per tiu dokumento iu Landfrith por la bonfarto de sia animo heredigis siajn bienojn al la Monaĥejo Rejnaŭo.

En la jaro 1525 la episkopo de Konstanco vendis la urbeton Neunkirch al la urbo Ŝafhaŭzo. La urbeto nun formis kune kun Hallau kaj Grafenhausen voktejon de la urbo Ŝafhaŭzo. La kreskanta urbo Ŝafhaŭzo ne toleris alian prosperan urbon en sia proksimeco, kial ĝi rifuzis al Neunkirch la kutime kun la urbeco ligitajn specialrajtojn. Tial Neunkirch formale restis ordinara vilaĝo kvankam kun urba kerno.