Nigel

Nigel estas grandurbo en Sud-Afriko, en provinco Ĥaŭtengo, en municipo Ekurhuleni.

Bazaj informoj

• Koordinatoj: 26°25′S 26°28′O
• Areo: 129 km²
• Loĝantaro: 166.266 (en 2012)
• Supermara alteco: 1535 m
• Horzono: UTC +2 h

Geografio

Nigel situas sur altebenaĵo en norda parto de la lando. Brakpan troviĝas 23, Benoni 30, Johanesburgo 45, Soweto 62, Pretorio 82, Durbano 456, Kaburbo 1275 km.

Historio

En 1886 oni trovis oron kaj komenciĝis la minado (kiel en romano "Fortune de Nigel" de Walter Scott). La urbo, kiu kreskis ĉirkaŭ la minejo ankoraŭ portas nomon derivitan de Scott-libro. En 2000 Nigel aliĝis al municipo de Ekurhuleni.

Ekonomio

Nigel estas la industria motoro de Johanesburgo. La ĉefa industrio estas la minado kaj ankaŭ la urbo havas diversajn pezajn industriojn.

Trafiko

El Nigel la plej grava vojo kuras al la proksima urbo Springs, krome estas vojoj al aliaj direktoj.

Klimato

En Nigel la temperaturo varias averaĝe inter 11-22 ° C. En januaro regas la plej alta varmo, en julio la plej malalta varmo (tiam tre malofte frostas nokte). Jare pluvas ĉ. 700 mm (ĝenerale dum jardeko nur unufoje neĝas). La pluvo en januaro kulminas kaj julie malkulminas.

Fontoj

• Angla Vikipedio
• mapo, distancoj
• loĝantaro
• mapo