Nigrakapuĉa oriolo

Kiel legi la taksonomion Nigrakapuĉa oriolo
Nigrakapuĉa oriolo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Orioledoj Oriolidae Genro: Oriolus Specio: O. xanthornus'
Dunomo
Oriolus xanthornus (Linnaeus, 1758)
Konserva statuso
Konserva statuso: Malplej zorgiga
Aliaj Vikimediaj projektoj

Pluvobano en Kolkato, Okcidenta Bengalo, Barato.

Nematurulo en Kolkato, Okcidenta Bengalo, Barato.

Nigrakapuĉa oriolo supre dekstre kompare kun aliaj orioloj de la mondoregiono

La Nigrakapuĉa oriolo, Oriolus xanthornus, estas membro de la familio de orioledoj de paserinaj birdoj kaj estas nemigranta reproduktanto en tropika suda Azio el Barato kaj Srilanko orienten al Indonezio.

Aspekto

La masklo estas ege rimarkinda, kun la tipa plumarkoloraro de orioloj nome nigra kaj flava. Fakte la plumaro estas hegemonie flava, kun klare markita nigra kapuĉo el la nuko ĝis la supra brusto kiu ege kontrastas kun la ĝenerala flava koloro. En tiu kapuĉo kontrastas ankaŭ la longa fortika rozkolora beko kaj la grenatkolora okulo kun iom da heleca okulringo. Krom la nigra kapuĉo estas nigro ankaŭ en flugiloj, kie videblas ripoze du klaraj flavaj markoj (unu en centro de la suba bordo de flugiloj kaj alia pli ĉe la pugo) kaj en la centro de la vosto, dum estas ankaŭ flavaj la bordo kaj la eksteraj vostoplumoj. En la ĝenerale sulfurflava koloro rimarkeblas iom da malhelflava nuanco en supraj dorso kaj brusto.

La ino de la Nigrakapuĉa oriolo estas ne tiom kolora birdo kun verdecaj subaj partoj, sed ankaŭ ŝi havas la nigran kapuĉon. Junuloj estas kiel inoj, sed havas malhelan striadon en la subaj partoj, kaj ties kapuĉo ne estas tute nigra, ĉefe en gorĝo.

La nigra kapo de tiu specio estas ties distingilo (de tie devenas la nomo) kaj evidenta distingilo disde la Ororiolo, Oriolus oriolus, kiu estas somera vizitanto en norda Barato.

Kutimoj

Orioloj kutime estas timidaj, kaj eĉ la masklo estas malfacile videbla en la miksaĵo de flavo kaj verdo en la arbarkupolo. Ĝi estas birdo de malfermaj arbaroj kaj terkultivejoj. La nesto estas konstruita en arbo, kaj enhavas du ovojn. La manĝo estas insektoj kaj fruktoj, ĉefe figoj, troveblaj en la arbarkupoloj kie la orioloj pasas multan tempon.

La flugo de Nigrakapuĉa oriolo estas kvazaŭ kiel tiu de Turdo, forta kaj rekta kun neprofundaj plonĝoj en longaj distancoj.

La Novmondaj orioloj estas similaj birdoj laŭ aspekto al la Orioledoj, sed ili estas de tute nerilata familio de ikteredoj.

Bildaro

• 
  Kaptante insektojn en Kapok Ceiba pentandra en Kolkato, Okcidenta Bengalo, Barato.
• 
  En Kapok Ceiba pentandra en Kolkato, Okcidenta Bengalo, Barato.
• 
  Kaptante insektojn en Kapok Ceiba pentandra en Kolkato, Okcidenta Bengalo, Barato.
• 
  Manĝante figojn de Peepal en Kolkato, Okcidenta Bengalo, Barato.
• 
  Manĝante figojn de Peepal en Kolkato, Okcidenta Bengalo, Barato.
• 
  Nesto en Kolkato, Okcidenta Bengalo, Barato.
• 
  Plumoaranĝado en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  Alvoko kaj montroceremonio en Kolkato, Okcidenta Bengalo, Barato.
• 
  Plumoaranĝado en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  en Kolkato, Okcidenta Bengalo, Barato.
• 
  Post pluvobano en Kolkato, Okcidenta Bengalo, Barato.
• 
  Nematurulo en Kolkato, Okcidenta Bengalo, Barato.

Referencoj

• BirdLife International (2004). Oriolus xanthornus. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006. Malplej zorgiga
• Birds of The Gambia de Barlow, Wacher kaj Disley, ISBN 1-873403-32-1