Norda Karelio
Norda Karelio (en la finna Pohjois-Karjala) estas provinco en gubernio Orienta Finnlando, kiu estis propra gubernio de 1960 ĝis 1997. Norda Karelio havas 168 000 loĝantojn kaj ĝia areo estas 21 585 km² el kiu 17,6% estas akvo. El la loĝantoj 98,4 % parolas la finnan kaj 1,0 % la rusan.
Historie, kiel la nomo indikas, la teritorio estis parto de la historia finna regiono Karelio, kies plej granda parto kadre de la Vintra Milito de novembro 1939 ĝis marto 1940 estis konkerita kaj prenita de Sovetunio.
Komunumoj
Norda Karelio havas 13 komunumojn, el kiuj kvin estas urboj (per dikaj literoj).
- Ilomantsi
- Joensuu
- Juuka
- Kitee
- Kontiolahti
- Lieksa
- Liperi
- Nurmes
- Outokumpu
- Polvijärvi
- Rääkkylä
- Tohmajärvi
- Valtimo
Iamaj komunumoj
- Kiihtelysvaara ligita al Joensuu en 2005
- Tuupovaara ligita al Joensuu en 2005
- Värtsilä ligita al Tohmajärvi en 2005
- Eno
- Kesälahti
- Pyhäselkä
Ekonomio
En jaro 2003 el 62 000 laborlokoj de la provinco 5 000 estis en primara produktado, 16 000 en prilaborado kaj 41 000 en servoj. En 2004 el laboristoj 17,1 % estis senlaboraj. Norda Karelio estas unu el maldense loĝataj provincoj de Finnlando kaj ĝia loĝantaro daŭre malkreskas.