Nova Junularo

El Vikipedio, la libera enciklopedio
Saltu al: navigado, serĉo
Kovrilpaĝo

La Nova Junularo (La Jeunesse) (ĉine 新青年, pinjine Xīn Qīngnián), estis influa revolucia ĉina revuo en la 1910-20aj jaroj. Ĝi havis gravan rolon en la movado de 4-a de majo.

Ĝi estis eldonita ekde la 15-a de septembro 1915 fare de Chen Duxiu (pli posta kunfondinto de la Komunista partio de Ĉinio) en Ŝanhajo sub nomo 'Junularo'. Oni ŝanĝis ties sidejon en januaro de 1917 al Pekino. Redaktoroj estis krom Chen Duxiu, Qian Xuantong, Gao Yihan, Hu Shi, Li Dazhao, Shen Yinmo, kaj Lu Xun. La Nova Junularo pledis por scienco kaj demokratio kaj moderna ĉina norma lingvo.

La redaktorojn influis la rusa oktobra revolucio de 1917 kaj la revuo popularigis la filozofion de la marksismo. Ekde septembro 1920, la revuo estis propaganda-organo de komunistoj kaj poste tiu de la Komunista Partio de Ĉinio (fondita en 1921). La revuo estis ĉesigita en 1926.

La eldonaĵo influis multajn postajn gvidantojn de la KPĈ.