Nufalija

El Vikipedio, la libera enciklopedio
Saltu al: navigado, serĉo

Nufalija (arabe النوفلية) (aliaj internaciaj nomformoj estas An Nawfalīyah, An Nufaliyah, An Nūfalīyah, En-Nofilia, En-Nofilía, Nofilia, Nofilía, Nufilia, Zauia-en-Nofilia, Zauiet en-Nofilia) estas urbeto en la dezerto, en Distrikto Sirto, Libio.

Ĝi situas en la iam Distrikto Bin Ĝavad, ĉ. 20 km okcidente de Bin Ĝavad kaj 15 km sudoriente de Marsa al Uvaija.

Dum la dua mondmilito, ĝi estis loko de bataleto fine de 1942, kiam kelkaj retiriĝantaj fortoj de Rommel elĉerpis sian fuelresurson. Tiutempe Nufalija estis eta fortikita loko kun kelkaj italaj konstruaĵoj, aldone al moskeo, kelkaj vendejoj kaj lernejo.