Odense
- Koordinatoj: 55° 24′ N 10° 23′ O / 55.400 °N, 10.383 °O (mapo)Koordinatoj: 55° 24′ N 10° 23′ O / 55.400 °N, 10.383 °O (mapo)
Odense estas la tria plej granda urbo de Danio kaj la plej granda urbo de la insulo Fyn kun 145.554 loĝantoj (2004). Ĝi estas ĉefurbo de la Graflando de Fyn.
Vidindaĵoj
La katedralo de Odense enhavas kvar reĝotombojn: Knud la 4-a la Sankta, laŭ kiu la katedralo nomiĝas, Erik la 3-a la Sendecida - kies precizan tombejon oni ne konas - kaj Johano la 1-a kaj Kristiano la 2-a translokigita el la malkonstruita Grizfratokirko.
En Odense situas unu el la plej grandaj komercejoj de Danio, Rosengårdcentret, kun 125 vendejoj.
Kulturo
La poeto kaj aŭtoro Hans Christian Andersen naskiĝis kaj kreskis en Odense; viziteblas lia naskiĝdomo. Same la industriisto Carl Frederik Tietgen.
La urbo Odense estas ĝemela urbo kun Funabaŝi en gubernio Ĉiba Japanio.
Esperanto en Odense
La Esperanto-klubo en Odense fondiĝis jam en 1907, en 1910 fondiĝis la laborista Esperanto-klubo. Estas gastiganto de Pasporta Servo tie. Pliajn detalojn vd. en la artikolo Esperanto-Movado en Danio.
Esperantistoj
-
Palaco de Odense -
La domo kie Hans Christian Andersen vivis kiel junulo. -
Teatro
