Opero de Montekarlo

El Vikipedio, la libera enciklopedio
Saltu al: navigado, serĉo
la marborda fasado de la Kazino de Montekarlo, sidejo de la Opero de Montekarlo

La Opero de Montekarlo estas opero en la princlando Monako. Ĝi kutime prezentas sursceniĝojn en la historia Salono Garnier [Garnie], parto de la Kazino de Montekarlo.

En la 1870-aj jaroj, kiam tre sentiĝis manko de kulturaj eventoj en Monako, la monaka princo Karolo la 3-a kaj la kultura Societo de maraj banlokoj de Monako (france Société des bains de mer de Monaco), decidis inkluzivigi operejon kaj koncertejon en la urba kazino. La precipa publika enirejo al la operejo kaj koncertejo estis tra la kazino, dum la princo havis apartan, privatan enirejon ĉe la okcidenta flanko de la konstruaĵo. La scenejo malfermiĝis en 1879 kaj konatiĝis kiel Salono Garnie aŭ france Salle Garnier, laŭ la arkitekto Charles Garnier kiu dezajnis ĝin.

Dum la renovigo de la Salono Garnier en la jaroj 2004 kaj 2005, operoj estis prezentitaj en la Princa Salono aŭ france Salle des Princes en la moderna konferencejo kaj ekspoziciejo Grimaldi Forum, kie nun la baleto de Montekarlo kaj la filharmonia orkestro de Montekarlo regule prezentiĝas.