Oregona mahonio

Kiel legi la taksonomion Oregona mahonio
akvifolia berberiso (Berberis aquifolium)
Biologia klasado
Regno: plantoj Plantae Subregno: trakeofitoj Tracheophyta Superdivizio: spermatofitoj Spermatophyta Divizio: angiospermoj Angiospermae Klaso: dukotiledonoj Magnoliopsida Ordo: ranunkolaloj Ranunculales Familio: berberisacoj Berberidaceae Genro: berberiso Berberis Specio: akvifolia berberiso Berberis aquifolium
Aliaj Vikimediaj projektoj

La oregona mahonio, aŭ akvifolia berberiso (latine Berberis aquifolium, antaŭe Mahonia aquifolium), estas specio el la familio de berberidacoj. Ĝi estas ĉiamverda arbusto parenca al berberiso (Berberis). Iuj aŭtoroj metas Mahonia en la berberisan genron. La planto similas Rampantan mahonion (M. repens) kaj Nanan mahonion (M. nervosa).

Priskribo

Tiu nearktisa planto altas 1–5 metrojn. Ĝiaj ledecaj folioj similas tiujn de ilekso, kaj la tigoj kaj branĉetoj havas dikigitan, korkecan aspekton. La floroj, kiuj estiĝas malfru-printempe, estas flavaj.

Oregona mahonio estas uzata en ĝardenoj kaj natur-pejzaĝofarado kiel ankaŭ berberiso, kiel planto taŭga por malmult-prizorgendaj plantejoj kaj maldensaj heĝoj. La specio kontraŭstaras someran sekecon, toleras malriĉajn grundojn, kaj ne produktas tro da folia litiero . Ĝiaj beroj allogas birdojn.

Disvastiĝo

Mahonia aquifolium estas indiĝena planto je la okcident-nordamerika marbordo ekde Brita Kolumbio ĝis norda Kalifornio, troviĝanta en la suba etaĝo de Menzies-pseŭdocugaroj kaj en arbustaroj. Ĝi estas la subŝtata floro de Oregono.

En iuj areoj ekster ĝia hejma arealo, la Oregona mahonio estas konsiderata kiel invadan specion kiu povas anstataŭi la indiĝenan vegetaĵaron .

Eksteraj ligiloj

• angle Bildoj de Mahonia aquifolium Arkivigite je 2016-03-04 per la retarkivo Wayback Machine

Medicina uzado

• angle Medicina uzado de Oregona mahonio
• angle Oregona mahonio
• angle Medicina uzado de Oregona mahonio. Arkivigite je 2011-07-07 per la retarkivo Wayback Machine