Orfeo Angelucci

El Vikipedio, la libera enciklopedio
Saltu al: navigado, serĉo
Orfeo Angelucci
Nifaĵo fotita de vikipediisto P199, "Moonbeam UFO"

Orfeo ANGELUCCI (Orville Angelucci) (1912 - 1993) estis inter la pli nekutimaj kontaktuloj kiuj je la meze de la 1950-jardeko pretendis kontakti eksterteranojn. Angelucci asertis ke dum la plej granda parto de sia vivo, li suferadis pro malbona sanstato kaj nervozeco. En 1948 li translokiĝis al Trenton (ŝtato Nov-Ĵerzejo) al Kalifornio. Tie li trovis postenon en ĉenstablejo de Lockheed, en urbo Burbank. Tie ankaŭ iam laboris alia kontaktulo, George Van Tassel.

En siaj libroj, Angelucci mencias ke fulmotondrado teruris lin; pro neofteco de fulmotondroj, Kalifornio iĝis alloga loko por li. En 1952 Angelucci verkis pseŭdosciencan libron The Nature of Infinite Entities (La Naturo de Infinitaj Entoj). Ĝi baziĝas sur "esplorado" antaŭe farita en Trenton, kie li lanĉis gigantajn amasojn da veterbalonoj.

Somerkomence de 1952, laŭ lia libro The Secret of the Saucers (La Sekreto de la Teleroj) (1955), li ekrenkontadis flugantajn telerojn kaj ĝiajn homaspektajn pilotojn dum sia veturado el la ĉenstablejo. Tiuj ĉi kosmuloj estis superhome belaj, ofte travideblaj kaj tre religiemaj kaj priskribis komunismon kiel la "fundamenta malamiko de la Tero" (pĝ. 46). Poste ili prenis Angelucci-n je senstaba fluganta telero Terorbiten; tie li vidis patrinkosmoŝipon drivantan preter holdoluko. Li ankaŭ priskribis travivadon de tempomanka epizodo, poste memorante ke li spertis vivadon dum semajno en korpo de "kosmofrato" Neptuno en pluevoluata socio en "plejgranda asteroido", postrestaĵo de detruita planedo, dum lia korpo vagadis ŝvebanta ĉirkaŭ flugmaŝina fabriko.

En lia posta libro The Son of the Sun (Filo de la Suno), Angelucci verkis rakonton kiun, laŭdire, rakontis al li kuracisto kiu nomis sin Adam kaj kies travivado similis al tiu de Angelucci. Li ankaŭ eldonis kelkajn broŝujojn temante pri kosmofrateco kiel Million Year Prophecy (Milionjara Profesio) (1959), Concrete Evidence (Konkreta Evidento) (1959) kaj Again We Exist (Ni Denove Ekzistas) (1960).

En lia verko pri flugantaj teleroj kiel arketipoj, Jung priskribas Angelucci-n kiel naiva usonanizita italo. "Aperante en la ĉielo, la nifvizio sekvas la malnovan regulon. La fantazioj de Orfeo okazas en evidente ĉiela loko kaj liaj kosmaj amikoj havas stelajn nomojn. Se ili ne estas antikvaj dioj kaj herooj, ili estas almenaŭ anĝeloj. La aŭtoro verŝajne meritas lian nomon … li figuras sin kiel nova Orfeo die nomumita por inici nin en la nifmisteron. … la libro de Orfeo estas esence naiva produktado kiu precize pro tiu kialo konigas plejklare la subkonscian fonon de la nifaperaĵo, do kvazaŭ donaco por psikologo."


Notoj kaj referencoj[redakti | redakti fonton]

  • Evans, Hilary, From Other Worlds: Aliens, Abductions and UFOs, Dubajo: Reader's Digest, 1998. ISBN 0-7621-0108-3
  • Cavallé, Sara, Enciclopedia Ovni, Barcelono: Protusa Art-Divino, 1995. ISBN 84-88162-08-1
  • Jacobs, David, M., redaktisto, UFOs & Abductions: Challenging The Borders of Knowledge, Kansaso: Kansas State University, 2000. ISBN 0-7006-1032-4
  • Jung, C. G., tradukisto el germana, Hull, R. F. C., Flying Saucers: A modern Myth of Things Seen in the Skies, Princeton, Princeton University Press, 1991 (2-a printado). ISBN 0-691-0-1822-7
  • Maryevens enhavas kopirajtitan foton de Orfeo Angelucci. Por vidi ĝin, skribu nomon en formularon.
  • Reta versio de "Secret of the Saucers"

Ankaŭ Vidu[redakti | redakti fonton]

Nifologio Nifo