Ortarsigero
 | ||||||||||||||
|---|---|---|---|---|---|---|---|---|---|---|---|---|---|---|
_(42946915155).jpg) masklo
.jpg) Ortarsigero, ino, Barato.
| ||||||||||||||
| Biologia klasado | ||||||||||||||
| ||||||||||||||
| Tarsiger chrysaeus (Hodgson, 1845) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Ortarsigero (Tarsiger chrysaeus) estas specio de birdo de la familio de Muŝkaptuledoj kaj genro de Tarsigeroj. Tiu genro karakteras iel laŭ aspekto pro flaveca koloro en subaj partoj, sed kombine kun blua aŭ griza en supraj partoj; nur tiu specio estas ĝenerale pli flava kaj sen tiuj supraj markoj, ĉar ĝi havas nur helbrunajn aŭ helgrizajn suprajn partojn. Pro la ĝenerale flava koloro kaj tre brilflavaj subaj partoj (ĉefe ĉe maskloj) la specio nomiĝas Or-tarsigero kaj same en la latina scienca nomo la specifa parto chrysaeus estas latinigita vorto el la antikva greka signife “el oro” (ĥrisos).
La specio, kiel ĉe multaj parencaj genroj, estas klara ekzemplo de seksa duformismo, ĉar la ino estas pli senkolora kun ĝenerala flaveca koloro sube kaj grizbruna supre (nur la tre nigra okulo elstaras), dum la masklo montras en reprodukta plumaro pli brilflavan suban koloron, tre kontrastan en la vosto, kies supra parto estas nigreca, kaj same tre kontrastan en la vizaĝo kie nigra masko kovras el la beko al la orelo ĉefe kontraŭ la helflava brila gorĝo. La supraj partoj estas grizbrunaj, sed inter la krono kaj la nigra masko rimarkindas flava superokula strio.
Ĝi troviĝas en Butano, Ĉinio, Barato, Birmo, Nepalo, Pakistano, Tajlando kaj Vjetnamio. Ties natura habitato estas moderklimataj arbaroj.
Referencoj[redakti | redakti fonton]
- BirdLife International 2004. Tarsiger chrysaeus. 2006 IUCN Ruĝa Listo de Minacataj Specioj. Konsultita la 27an de julio 2007.
Bildaro[redakti | redakti fonton]
-
Masklo ĉe Mailee Thaatĉ en Kullu - Manali Distrikto de Himaĉal Pradeŝ, Barato -
Masklo ĉe Kullu - Manali Distrikto de Himaĉal Pradeŝ, Barato
_I2_IMG_3435.jpg)
