Palaco Bargello
Koordinatoj: 43° 46′ 13.34″ N 11° 15′ 30.06″ O / 43.7703722 °N, 11.2583500 °O (mapo)
La palaco Bargello estas palaco lokita en Florenco (Italio) kaj konstruita en 1255. Ĝi depost la jaro 1865 entenas nacian muzeon, la Museo Nazionale del Bargello, kun ties kolekto da gotikaj kaj renesancaj skulptaĵoj, unu el la plej gravaj en Italio.
La palaco Bargello unue nomiĝis palaco Pretorio. Laŭ Giorgio Vasari, ĝi estis konstruita meze de la 13-a jarcento de Lapo Tedesco, patro de Arnolfo di Cambio, por la Kapitano de la Popolo. Ĝi estis sekve pligrandigita. En la 15-a jarcento, Kosimo de Mediĉo petis, ke oni pentru sur ĝia fasado la portretojn de la nobeloj, kiuj estis pendumitaj pro politika opozicio. Ekde 1502 ĝis 1574, ĝi gastigis la Justican Konsilion kaj la juĝojn de la Ruota. La palaco sekve fariĝis publika malliberejo.