Palomas (Badajoz)
Palomas (Kolomboj) estas municipo de Hispanio, en la provinco de Badajoz, regiono de Ekstremaduro. En la romano de Felipe Trigo nome El médico rural (La rura kuracisto) la unua duono de la agado okazas en eta vilaĝo nome Palomas kiu ne nepre devas rilati al tiu.
La loĝantoj nomiĝas palomeños. La censita populacio en 2008 estis de 691 loĝantoj.
Situo
Palomas estas situa en la suda parto de Ekstremaduro, je altitudo de 326 m; je 90 km de Badajoz, provinca ĉefurbo. La surfaco de ties teritorio estas de 40,5 km². Ĝi estas en la komarko Tierra de Barros.
Ekonomio
Agrikulturo (cerealoj kaj olivarboj) kaj brutobredado (ŝafoj).
Historio
La zono estis loĝata de araboj, kie atestas la arkitekturaj restaĵoj de la posteuloj, tio estas mudeĥaroj: la turo kaj fasado de la preĝejo estas belega montro de tiu stilo. Krome estis mezepoka ponto en la sudo de la vilaĝo.
Laŭ Vicente Navarro del Castillo iris al Ameriko kvin de la loĝantoj kiuj ricevis permeson trapasi al la insulo de Kubo. El ili Juan Esteban Vasco estis grava konkeranto kaj fondinto de la teritorioj de la Andoj kie estas la nunaj Kolombio kaj Venezuelo, kie li helpis fondi la urbon de Mérida.