Paolo Borsellino

	« Chi ha paura muore ogni giorno, chi non ha paura muore una volta sola »   « Kiu timas mortas ĉiutage, kiu ne timas mortas nur unufoje. » — Paolo Borsellino

Paolo Emanuele Borsellino
Murpentraĵo pri Giovanni Falcone kaj Paolo Borsellino
Persona informo
Nomo	Paolo Emanuele Borsellino
Dato de naskiĝo	19-a de januaro 1940
Loko de naskiĝo	Palermo
Dato de morto	19-a de julio 1992
Loko de morto	Palermo
Okupo	juĝisto
Aĝo je morto	52

Paolo Emanuele Borsellino [PAolo EmaNŬEle BorselLIno] (naskiĝis la 19-an de januaro 1940 en Palermo, mortis la 19-an de julio 1992 en Palermo) estis itala juĝisto

Li estas konsiderata kiel itala heroo, kiel Giovanni Falcone, kiu estis ties amiko kaj kolego.

Biografio

Li laboris unue en Monreale kaj en 1975 estis sendita al Palermo, kie li laboris sub juĝisto Rocco Chinnici. Ek de 1980 li laboris en kontraŭ-mafia laborgrupo sub Chinnici kun du aliaj juĝistoj (Falcone kaj Barrile) kaj du komisaroj. Kvankam la mafio mortigis Chinnici per bombo, la grupo sukcesis akuzi kaj kondamnigi kelkajn mafiajn gravulojn. Kiam la grupo en 1985 preparis "procesegon" kontraŭ centoj da mafiuloj, estis murditaj la du komisaroj. Borsellino kaj Falcone transloĝiĝis al la prizono de Asinara por tie labori en relativa sekureco.

Protestafiŝoj kontraŭ mafio memorigas pri Giovanni Falcone (maldekstre) kaj Paolo Borsellino (dekstre).
La slogano diras: "Vi ne mortigis ilin: iliaj ideoj marŝas sur niaj piedoj".

En majo 1992 la mafio murdis Falcone, kaj monaton poste eksplodigis 100-kilograman bombon, kiam Borsellino iris viziti sian patrinon en strato via D'Amelio en Palermo. La bombo mortigis lin kaj kvin el liaj gardistoj.

Jaron poste fondiĝis "litotuka komitato", kiu sur litotukoj presis bildojn de Borsellino kaj Falcone kun la teksto "vi ne mortigis ilin – iliaj ideoj marŝas sur niaj gamboj".

Multaj lernejoj kaj asocioj estis nomitaj honore al Borsellino. La flughaveno de Palermo portas lian nomon kaj tiun de lia kolego Giovanni Falcone.

Vojo d'Amelio kiel masakro far la ŝtato

Vojo d'Amelio: la arbo memoranta la loko de la murdo de Paolo Borsellino kaj ties eskorto

	« Politica e mafia sono due poteri che vivono sul controllo dello stesso territorio: o si fanno la guerra o si mettono d'accordo. »   « Politiko kaj mafio estas du povoj kiuj vivas sur de sama teritorio: aŭ ili bataliĝas kotraŭ la alia aŭ ili akordiĝas » — Lirio Abbate, Peter Gomez

En la enkonduko de la libro L'agenda rossa di Paolo Borsellino Marco Travaglio skribas:

« Oggi, quindici anni dopo, non è cambiato nulla. L'impressione è che, ai piani alti del potere, quelle verità indicibili le conoscano in tanti, ma siano d’accordo nel tenerle coperte da una spessa coltre di omissis. Per sempre. L’agenda rossa è la scatola nera della Seconda Repubblica. Grazie a questo libro cominciamo a capire qualcosa anche noi »   « Hodiaŭ, post dekkvin jaroj, nenio ŝanĝis. Ŝajnas, ke, en altaj niveloj de la povo, multaj konas tiujn nedireblajn verojn sed ili akorde mantenas kaŝitaj de dika kovrilo de omissis. Porĉiame. La ruĝa agenda estas la nigra skatolo de la Dua Respubliko. Danke al ĉi tiu libro ankaŭ ni komencas kompreni ion » — Marco Travaglio

Vidu ankaŭ

• Masakro de vojo d'Amelio
• Rita Borsellino
• Rita Atria
• Giovanni Falcone

Eksteraj ligiloj

• itale Video de Paolo Borsellino: renkontiĝo de 26-a de januaro 1989 kun lernantoj de lernejo "Remondini" en Bassano del Grappa
• itale Retejo de libro Falcone Borsellino, misteri di stato
• itale Lasta oficiala intervuo al Paolo Borsellino
• itale Lasta publika prelego de Paolo Borsellino
• itale Paolo Borsellino. La storia del magistrato ucciso dalla mafia La Storia siamo Noi - Rai Educational
• itale Retejo pri "Progetto Legalità"-fondaĵo, memore de Paolo Borsellino kaj de ĉiuj mortintoj pro mafio
• itale Retejo dediĉita al vivo de Paolo Borsellino
• itale Video de RAI pri Paolo Borsellino kaj Giovanni Falcone

	Rilataj artikoloj troviĝas en Portalo pri homoj
	Rilataj artikoloj troviĝas en Portalo pri juro