Pasporta Servo
El Vikipedio
Pasporta Servo estas gastiga servo. Ĝi estas grava Esperanta eldonaĵo kaj por multaj homoj la kialo por eklerni Esperanton. Baze, ĝi estas adresaro de homoj el la tuta mondo, kiuj ofertas al posedantoj de ekzemplero de tiu listo (kiuj ankaŭ devas scii Esperanton) gasti en iliaj hejmoj senpage. En 2006 estas en Pasporta Servo 1320 gastigantoj en 92 landoj.
La gastigantoj elektas, kiom da tranoktadoj kaj kiom da gastoj ili akceptas, kaj povas enmeti diversajn komentojn pri siaj interesoj, deziroj kaj apartaj kondiĉoj (ekz. "ne fumantoj", "junuloj bonvenas", k.s.).
La gastigantoj ĝuas akcepti homojn de diversaj landoj, kaj la gastoj ĝuas resti senpage. Krome, gastoj sentas sin bone ĉar la gastigantoj povas helpi ilin pri transportado, ekkoni la lokon, k.t.p. Plej bone, gastoj kaj gastigantoj povos interkomuniki facile per Esperanto.
La adreslibro Pasporta Servo estas eldonaĵo de Tutmonda Esperantista Junulara Organizo (TEJO). La unua ideo pri la tiel nomata "Programo Pasporto" aperis en 1966, kaj estis propono de Ruben Feldman-Gonzalez el Argentino. Pasporta Servo laŭ la nuna sistemo aperis unuafoje en 1974, kun 40 gastigantoj, sub gvido de Jeanne-Marie Cash el Francio. Ambaŭ pioniroj daŭre estas gastigantoj de Pasporta Servo. Inter 1995 kaj 2008 ĝia kompilanto estis Derk Ederveen.
En 2008, la estraro de TEJO anoncis lanĉon de nova interreta versio de Pasporta Servo[1] kiu sekvu la evoluon de similaj servoj kiel CouchSurfing aŭ Hospitality Club (ankaŭ la papera libro tamen pluekzistos). Ĉe CouchSurfing, kvankam servo ĉefe anglalingva, preskaŭ 500 membroj indikas almenaŭ komencan scion de Esperanto. La novan Pasportan Servon ekde 2008 administras Joop Kiefte.
[redakti] Pasporta Servo laŭ jaroj
La ĉi-sekvaj datumoj iom varias, ĉar en kelkaj jaroj oni transprenis la antaŭajn gastigantojn sen ŝanĝoj, en aliaj oni forigis tiujn, kiuj ne respondis.
| Jaro | Gastigantoj sume |
Landoj | Fonto |
|---|---|---|---|
| 1974 | 39 | 19 | [2] |
| 1975 | 100 | 73 | [2] |
| 1976 | |||
| 1977 | |||
| 1978 | 297 | 41 | [2] |
| 1979 | |||
| 1980 | |||
| 1981 | |||
| 1982 | |||
| 1983 | |||
| 1984 | |||
| 1985 | |||
| 1986 | |||
| 1987 | |||
| 1988-89 | 900 | 58 | [3] |
| 1990 | |||
| 1991 | |||
| 1992 | |||
| 1993 | |||
| 1994 | |||
| 1995 | 812 | 71 | [4] |
| 1996/97 | 784 | 68 | [5] |
| 1998 | 871 | 75 | [6] |
| 1999 | |||
| 2000 | |||
| 2001 | |||
| 2002 | |||
| 2003 | |||
| 2004 | |||
| 2005 | 1364 | 89 | [7] |
| 2006 | 1320 | 92 | [8] |
| 2007 | 1294 | 89 | [9] |
| 2008 | 1225 | 90 | [10] |
[redakti] Eksteraj ligiloj
- Oficiala retpaĝaro de Pasporta Servo
- Libera Folio "Kresko minacas Pasportan Servon"
[redakti] Notoj kaj referencoj
- ↑ TEJO reformas Pasportan Servon el Libera Folio
- ↑ 2,0 2,1 2,2 http://www.liberafolio.org/2005/Agado/pservo/
- ↑ PS 1988/89
- ↑ PS 1995
- ↑ PS 96/67
- ↑ PS 19988
- ↑ PS 2005
- ↑ http://www.tejo.org/eo/ps je 2008-07-10
- ↑ PS 2007
- ↑ PS 2008
