Petrosela insulo

El Vikipedio, la libera enciklopedio
Saltu al: navigado, serĉo
satelita foto pri la insulo (aparta staranta insuleto supre-meze)

La Petrosela insulo(35°54′48.11″N 5°25′03.34″U  /  35.9133639°N, 5.4175944°U / 35.9133639; -5.4175944 (Petrosela insulo)) aŭ Pereĥilo (hispane Isla del Perejil; arabe Lejla: „Nokto") estas insuleto de en norda Afriko, kiu havas la statuson de suverena areo (plaza de soberanía). Ĝi estas unu el la 5 suverenaj areoj - ekz. krom Ceuta, Melilla - kaj estas nomata kiel malgranda areo („plaza menora”). Ĝi havas lastatempan statuson de nenies-a teritorio.

La insulo estas roka kontraŭ al Ĝibraltaro, 8 km de tiu kaj 250 m de la marokaj bordoj. Ĝin loĝas nur kelkaj kaproj, la nomo venas de la sovaĝa petroselo, kiu kreskas tie.

Geografiaj datenoj[redakti | redakti fonton]

  • Koordinatoj: latitudo: 35° 54' 48,11" N, longitudo: 5° 25' 03,34" E
  • Grando: longas 500 m, larĝas 300 m
  • Plej granda alto super maro: 74 m.

Historio[redakti | redakti fonton]

Dum la napoleonaj militoj, ĝin okupis la angloj por onidire pli facile defendi Ĝibraltaron. La britoj ricevis eĉ "interkonsenton” de la sultano por la okupo. La postmilita traktato pri paco ne menciis la insulon, tiel ĝia internacia situo restis neklara.

Maroko deklaris bezonon je la insulo post sia sendependiĝo en 1956 kaj lastfoje provis okupi la insulon en 2002. La okupo okazis la 11-an de julio, la hispana armeo reokupis la rokinsulon la 18-an de julio. Dum la armea konflikto oni eĉ ne pafis kaj la hispanoj veturigis la okupantojn per helikoptero al Ceuta, kie ili trandonis la soldatojn al la marokaj instancoj.

En la konflikto, la EU politike apogis Hispanion, dum la arabaj landoj - krom Alĝerio, kiu estis dependa de la gaseksporto je la EU - Marokon. La du konfliktantaj landoj interkonsentis pri restarigo de la antaŭa situo (status quo ante).

Vidu ankaŭ[redakti | redakti fonton]

Eksteraj ligiloj[redakti | redakti fonton]