Philipp Jakob Cretzschmar

El Vikipedio, la libera enciklopedio
Saltu al: navigado, serĉo
Philipp Jacob Cretzschmar.

Philipp Jakob CRETZSCHMAR (11-a de junio 1786 – 4-a de majo 1845) estis germana kuracisto.

Cretzschmar naskiĝis ĉe Sulzbach kaj studis medicinon ĉe la Universitato Würzburg. Li instruis anatomion kaj zoologion ĉe la Senckenberg Kuracinstituto de Frankfurto.

Cretzschmar estis fondinto kaj dua direktoro de la Senckenberga Naturahistoria Societo en 1817. Unu el la fondintaj membroj de la societo estis Eduard Rüppell, kaj ambaŭ kunlaboris por publiki la rezultojn de la esploroj de Rüppell en Afriko. La "Atlas of Rüppell's Travels in Northern Africa" (1826–30) inkludis ornitologian fakon de Cretzschmar priskribanta ĉirkaŭ tridek novajn speciojn, kiaj la Mejera psitako, la Nubia otido, la Goliata ardeo, la Skotocerko kaj la Rustemberizo.