Pintfolia olivujo
 |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Biologia klasado | ||||||||||||||
|
||||||||||||||
| Olea europaea subsp. cuspidata (Wall. ex G. Don) Cif. |
||||||||||||||
Pintfolia olivujo ( Olea europaea subsp. cuspidata ) estas afrotropika kaj hindomalaja subspecio de olivarbo kiu antaŭe estis priskribita kiel Olea cuspidata kaj Olea africana.
Enhavo |
Priskribo [redakti]
Estas ĉiamverda mult-tiga arbo, dimensie variigebla laŭ alto ekde 2 ĝis 15 metroj.
La folioj estas pinate aranĝitaj, glatrandaj, 3 ĝis 7 centimetrojn longaj, 0,8 ĝis 2,5 centimetrojn larĝaj, akrapintaj kun hoketo aŭ punkto; la bazo estas ovo-forma ĝis kojno-forma, la randoj estas glataj kaj kurbigitaj, la supra surfaco estas griz-verda kaj brilanta, la suba surfaco havas densan kovraĵon de arĝentecaj, orecaj aŭ brunaj skvamoj. Domatioj ne ĉeestas. La nervuroj supra-limbe estas netaj, malnetaj sub-limbe. La petiolo longas 10 milimetrojn. La floroj troviĝas panikle, kaj longas 50 ĝis 60 milimetrojn. La kaliko estas kvar-loba, kaj longas ĉirkaŭ 1 milimetron. La korolo estas verdece blanka aŭ kremkolara; la korolotubo longas 1 ĝis 2 milimetrojn; la loboj longas ĉirkaŭ 3 milimetrojn, kurbigitaj dum florado. Estas du stamenoj kiuj estas kunigitaj apud la supro de la korolotubo. La stigmo estas du-loba. Kutime la florado okazas printempe.
La fruktoj estas sfera ĝis elipsoida drupo kiu larĝas 6 milimetrojn kaj longas 15 ĝis 25 milimetrojn. Ĝi estas karneca, glaŭka ĝis nebrila, kaj purpur-nigra kiam matura.
La ligno estas aprezita, daŭra, kun forta odoro kiu similas kolonjakvon kaj kun plaĉa lignobildo. Ĝis estas uzata por meblaro kaj por lignotornado.
Disvastiĝo [redakti]
La subspecio havas vastan naturan arealon ekde Suda Afriko, tra Afriko, Mezoriento, Pakistano, Barato ĝis suda Ĉinujo.
Lokaj problemoj [redakti]
En Aŭstralio ĝi estas konsiderata kiel trudherbon. Ĝi ĉefe estas disvastigata per birdoj kiuj manĝas la fruktojn.
Sinonimoj [redakti]
Sinonimoj inkluzivas Olea africana Mill. Olea chrysophylla Lam.; Olea cuspidata Wall. ex G. Don; Olea europaea subsp. africana (Mill.) P. S. Green; Olea ferruginea Royle; Olea sativa var. verrucosa (Willd.) Roem. & Schult.; Olea verrucosa (Willd.) Link
Arbaroj [redakti]
Subtropikaj sekaj arbaroj de Pintfolia olivujo troviĝas en la Himalajaj subtropikaj foliarbaroj, tersupraĵa ekoregiono.
Bildaro [redakti]
-
Foliaro de Akrapinta olivujo.
-
Juna arbo en sia natura biotopo en Suda Afriko.
-
Tiu subspecio de olivarbo estas enkondikita en Havajo.
Referencoj [redakti]
- NCBI : Pintfolia olivujo angle
- USDA : Pintfolia olivujo angle
