Pireo

El Vikipedio, la libera enciklopedio
Saltu al: navigado, serĉo
la ĉefa haveno de Pireo

Pireo (novgreke Πειραιάς, do Pireas, malnovgreke Πειραιεύς, do Peiraieus) estas grava industria centro de la ŝtato Grekio kaj la tria plej granda haveno de la Mediteranea Maro. Laŭ stato de la jaro 2007 la urbo havas 851.697 enloĝantojn. Pireo estas la haveno de la grekia ĉefurbo Ateno kaj la suda finopunkto de la plej gravaj naciaj stratoj kaj fervojaj linioj, kiuj ligas la urbon kun Tesaloniko kaj Patraso kaj dumvoje pasas la tutan landon.

Πειραιεύς origine estis la nomo de la monta duoninsulo 8 kilometrojn sudkoriente de Ateno, kiu ekde la 6-a jarcento antaŭ Kristo portis imponan fortikaĵon. La fortikaĵo gardis tri naturajn profundajn havenobasenojn, Pireo, Zea kaj Muniĥia, kiun Temistoklo dum la jaro 493 antaŭ Kristo deklaris la haveno de Ateno kaj protektis per muroj.