Pola Esperantisto
Pola Esperantisto (Esperantysta polski) estis monata revuo, organo de la Poluja Esperantistaro en Esperanto (plejparte) kaj la pola.
Unue ĝi estis organo de la loka Esperanto-societo en Lvovo de julio 1906. En januaro 1908 la revuo eliras jam en Varsovio. Ĉefredaktoro tiam estis d-ro Leono Zamenhof, eldonanto kolonelo Jan Günther ĝis 1914. Dum kelkaj unuaj jaroj de la unua mondmilito la revuo ne eliradis. En 1923 (post 1-a Tutpola Esperanto-Kongreso) la redakcion transprenis Stanisław Karolczyk, L.K. kaj eldonadis ĝin sufiĉe regule, sed en malgrandigita formato. De 1926 ĝi estis oficiala organo de Pola Esperanto-Delegitaro (PED). La 33-a jarkolekto aperis en 1938, la 34-a en 1946.
Pola Esperantisto ĉesis aperi en 1989, kaj post 14 jaroj aperis denove en 2003, eldonata de la eldonejo Hejme. En 2007-a jaro ĉefredaktoro Kazimierz Leja kritikis PEAn kaj anoncis, ke de 2008-a jaro PE ne estos eldonata. La revuo estas eldonata plu de PEA tamen ne kun la antaŭa redakcio kiu kreis propran revuon- "SPEGULO".
Eksteraj ligiloj
- Jarkolektoj de Pola Esperantisto en la Kolekto por Planlingvoj kaj Esperantomuzeo