Pompejo

Tiu ĉi artikolo temas pri antikva urbo sur teritorio de Italio. Pluaj signifoj estas indikitaj en artikolo Pompejo (apartigilo).

---

Pompejo
itale: Pompei, latine: Pompeii
malaperinta urbo
Forumo en Pompejo
Lando	Italio
Regiono	Kampanio
Provinco	Provinco de Napolo
Historia regiono	Romia Imperio
Rivero	Sarno
Situo	Pompejo
- koordinatoj	40° 45′ 02″ N 14° 29′ 23″ O (mapo)
Estiĝo	-7-a jarcento
- damaĝita	5-a de februaro 62 tertremo
- sepultita	24-a de oktobro 79 erupcio de Vezuvio
Malkovrinto	??
- dato	1748
Horzono	MET (UTC+1) nuntempo
- somera tempo	MET (UTC+2) nuntempo
Loko de Monda heredaĵo de UNESKO
Nomo	Pompejo
Tipo de heredaĵo	kultura heredaĵo
Jaro	1997 (#21)
Numero	829
Regiono	Eŭropo
Kriterioj	iii, iv, v
Situo de Pompejo enkadre de Italio Situo de Pompejo enkadre de Italio
Situo enkadre de Eŭropo Situo enkadre de Eŭropo
Vikimedia Komunejo: Pompeii
Retpaĝo: www.pompeiisites.org

La silenta strato en Pompejo

Pompejo (latine Pompeii) estis unu el la tri urboj de Antikva Romio en la Golfo de Napolo en la imperiestra provinco Italia (hodiaŭ regiono Kampanio, Italio), kiujn la 24-an de aŭgusto 79 detruis erupcio de la vulkano Vezuvio. En 1997 Pompejo enskribiĝis en la liston de la Monda Kulturheredaĵo de UNESKO en Eŭropo.

Kune kun Pompejo detruiĝis ankaŭ urboj Herculaneum kaj Stabie. La vulkancindro, kiu kovris la urbojn, perfekte konservis la konstruaĵojn kaj objektojn kaj tiel ebligis al ni ekkoni la aspekton de mezgranda urbo de Antikva Romio kaj la vivon de ties enloĝantoj.

Vezuvio estas sepultanta la urbon

La loĝantoj de Pompejo vivis en konvinko, ke Vezuvio estas estingiĝinta, kaj ili ne dediĉis la atentemon al avert-signaloj. Ili ne kunigis ilin kun aktiveco de Vezuvio. Ili kutimis al etaj ektremoj de tero kaj erupciaĵoj de gaso el Vezuvio. Nur en la jaro 62 la tremoj estis tiom fortaj, por ke ili kaŭzu damaĝigon de konstruaĵoj. Komence de aŭgusto de la jaro 79 sekiĝis ĉiuj putoj en la urbo, sed la averto ne estis sufiĉe forta kaj la tuta antikva Romio ekteruriĝis, kiam la 24-an de aŭgusto okazis la katastrofa vulkana erupcio, kiu sepultis la tutan urbon kaj ombrigis la sunon dum ĝusta tagmezo. Koincide tio estis dato de Vulkanalio, festotago de romia dio de fajro Vulkano.