Ponto Aleksandro la 3-a

El Vikipedio, la libera enciklopedio
Saltu al: navigado, serĉo
La ponto Aleksandro la 3-a

La ponto Aleksandro la 3-a (franclingve Pont Alexandre-III) estas unu el la plej belaj pontoj de Parizo, kaj estas klasifikita kiel franca "monumento historia" ekde 1975. Ĝi trapasas la Sejnon inter la 7-a kaj la 8-a arondismentoj, kaj estis donacita al Francio de la caro Aleksandro la 3-a por la pariza internacia ekspozicio de 1900.

Ĝi estas metala, 40-metrojn larĝa ponto, kiu konsistas el unu sola, 107-metrojn longa arko.

Historio[redakti | redakti fonton]

La ponto celis fariĝi la simbolo de la franca-rusa amikeco, traktadita inter Aleksandro la 3-a kaj la prezidento de la Respubliko Sadi Carnot. Ĝi situas fronte de la granda placo antaŭ la hotelo de la Invalidoj, kiun ĝi kunigas al la Petit Palais kaj Grand Palais sur la dekstra bordo, ankaŭ konstruitaj por la ekspozicio de 1900.

La konstruadon de la ponto oni komisiis al la inĝenieroj Jean Résal kaj Amédée d'Alby, sed ankaŭ al la arkitektoj Cassien-Bernard kaj Gaston Cousin. La unua ŝtono estis fiksita de la caro Nikolao la 2-a en 1896 (filo de Aleksandro la 3-a), kaj la ponto estis inaŭgurita en 1900 okaze de la internacia ekspozicio.

Sur kolono ĉe la dekstra bordo, legeblas : « La 14-an de aprilo 1900, Émile Loubet, Prezidento de la franca Respubliko, malfermis la internacian ekspozicion kaj inaŭguris la ponton Aleksandron la 3-a. »

Galerio[redakti | redakti fonton]

Pont alexander III ét Place de la Concorde.jpg Alex3nacht.JPG Pont Alexandre III.jpg
Pont Alexandre III Paris 07.jpg Eiffel Tower from Pont Alexandre-III, Paris 2004.jpg Pont Alexandre III dsc06501.jpg

Vidu ankaŭ[redakti | redakti fonton]

Eksteraj ligiloj[redakti | redakti fonton]