Popolpartio (Islando)
La Popolpartio (is. Alþýðuflokkurinn) estis politika partio en Islando kiu ekzistis inter 1916 ĝis 1998.
Ĝi fondiĝis 12-a de marto 1916 kiel politika parto de la samtage fondita (kaj ankaŭ ekzistanta) islanda laborista asocio. Ĉefiniciintoj estis Ólafur Friðriksson, Jón Baldvinsson, Ottó Þorláksson kaj Jónas Jónsson.
La partio estis la unua klaspartio en Islando, sed la ĝistiamaj partioj ĉefe debatis pri diversaj vojoj al la sendependeco de la lando.
La Popolpartio malaktive kontribuis al la rego de la Progrespartio 1927-1931, sed partoprenis en multaj registaroj poste, kaj ofte partiano estis ĉefministro. En mallongtempa registaro en 1979-1980 la Popolpartio estis la sola registara partio.
La partio tradicie havis ĉ. 15% de la parlamentelektaj voĉoj, kiel montras la tabelo.
| Jaro | % | Jaro | % | Jaro | % | ||
|---|---|---|---|---|---|---|---|
| 1916 | 6,8 | * | 1942 | 14,2 | * | 1971 | 10,5 |
| 1919 | 6,8 | * | 1946 | 17,8 | * | 1974 | 9,1 |
| 1923 | 16,2 | * | 1949 | 16,5 | * | 1978 | 22 |
| 1927 | 19,1 | * | 1953 | 15,6 | * | 1979 | 17,4 |
| 1931 | 16,1 | * | 1956 | 18,3 | * | 1983 | 11,7 |
| 1933 | 19,2 | * | 1959 | 12,5 | * | 1987 | 15,2 |
| 1934 | 21,7 | * | 1959 | 15,2 | * | 1991 | 15,5 |
| 1937 | 19 | * | 1963 | 14,2 | * | 1995 | 11,4 |
| 1942 | 15,4 | * | 1967 | 15,7 |
La partio estis socialdemokrata partio, kaj ofte partigis “maldekstren”.
En 1998 la partio malfondiĝis kiam ĝi kuniĝis kun la Popolunuiĝo kaj la Naciveko de Jóhanna Sigurðardóttir (ambaŭ partioj kiuj partigis el la Popolpartio antaŭe) kaj la Virinpartio en la nova partio Alianco.
La jenaj estis partiestroj de la Popolpartio:
Ottó N. Þorláksson: 1916 ĝis 1916
Jón Baldvinsson: 1916 ĝis 1938
Stefán Jóh. Stefánsson: 1938 ĝis 1952
Hannibal Valdimarsson: 1952 ĝis 1954
Haraldur Guðmundsson: 1954 ĝis 1958
Emil Jónsson: 1958 ĝis 1968
Gylfi Þ. Gíslason: 1968 ĝis 1974
Benedikt Sigurðsson Gröndal: 1974 ĝis 1980
Kjartan Jóhannsson: 1980 ĝis 1984