Poprad

Tiu ĉi artikolo temas pri urbo. Pri rivero temas artikolo Poprad (rivero).

---

Poprad
hungare: Poprád, germane: Deutschendorf
Urbo
Placo en Poprad
Blazono
Oficiala nomo: Poprad
Lando	Slovakio
Regiono	Regiono Prešov
Distrikto	Distrikto Poprad
Historia regiono	Spiš
Turisma regiono	Altaj Tatroj
Montaro	Levočské vrchy
Urbaj partoj	Staré Mesto, Matejovce, Spišská Sobota, Stráže pod Tatrami, Veľká, Kvetnica
Rivero	Poprad
Situo	Poprad
- alteco	672 m s. m.
- koordinatoj	49°03′24″N 20°17′51″E
Areo	63,039 km² (6 303,9 ha)
Loĝantaro	52 284 (31.12.2010)
Denseco	829,39 loĝ./km²
Orogenenezo montariĝo	Subtatra kaldrono
Unua skribmencio	1256
Horzono	MET (UTC+1)
- somera tempo	MET (UTC+2)
Poŝtkodo	058 01
Telefona antaŭkodo	+421-52
Aŭtokodoj	PP
Situo enkadre de Slovakio
Situo en Regiono Prešov
Vikimedia Komunejo: Poprad
Retpaĝo: www.poprad.sk
Portalo pri Slovakio

Vido al Tatroj el Poprad

Placo en Poprad

Ĉefplaco de Poprad

Poprad (hungare Poprád, germane Deutschendorf) estas urbo en Slovakio kun ĉ. 55.000 loĝantoj (2003). Ĝi estas la ĉefa urbo de distrikto Poprad. La urbo situas ĉe samnoma rivero.

Poprad estas trafika ligejo, kie kunvenas gravaj ter- kaj fervojoj. Ĝi posedas internacian flughavenon (IATA: TAT), kiu nomiĝas "Tatry-Poprad" kaj per supermara alto de 718 metroj estas la plej alta internacia flughaveno de Eŭropo.

Turisme Poprad estas alirloko por la Altaj Tatroj kaj la Slovaka Paradizo.

Historio

Béla la 4-a (Hungario) setligis tie germanojn. La unua mencio devenis el 1244 en formo Theutonicalis, poste en 1256 Poprad. En 1412 Sigismondo la 1-a (Sankta Romia Imperio) hipotekis 16 urbojn al Pollando ĝis 1772. La 16 urboj:

Tvarožná	Veľká	Hniezdne	Spišská Nová Ves
Ľubica	Stará Ľubovňa	Matejovce	Vrbov
Strážky	Podolínec	Poprad	Ruskinovce
Spišská Belá	Spišské Vlachy	Spišská Sobota	Spišské Podhradie

Fine de la 19-a j.c. konstruiĝis granda rondirado de fervojo, kiu ligis urbojn Budapeŝto-Miskolc-Košice-Poprad-Liptovský Mikuláš-Martin-Žilina-Trnava-Bratislava-Vác-Budapeŝto. En 1910 en la urbo loĝis 2283 da homoj (818 germanoj, 758 slovakoj, 689 hungaroj). Ĝis 1919 la urbo estis konsilantrajta urbo en regiono Spiš, poste ĝi apartenis al Ĉeĥoslovakio. En 1946 la germanoj estis deportitaj.

En 1945 kaj iom poste aliĝis proksimaj komunumoj, inter alie el la 16-opo Spišská Sobota, Matejovce, Veľká. En 2001 94% de la urbanoj estis slovakoj. En la urbo oni faras tramojn nomata "Tatra".

Vidindaĵoj

• katolika preĝejo omaĝe al Sankta Egidio el la 13-a j.c.
• katolika preĝejo omaĝe al Virgpatrino el 1940
• luterana preĝejo el 1834
• muzeo el 1896

Ĝemelurbo

• Szarvas, Hungario

Esperanto

En Poprad naskiĝis Tibor Sekelj kaj mortis Milan Zvara.